web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i frikshëm i SHBA për liderët kryesorë të Kosovës

29 Dhjetor 2017, 19:57, Aktualitet CNA

Ambasada e SHBA në Kosovë ka reaguar ndaj liderëve kryesorë të shtetit, përkatësisht presidentit Hashim Thaçi, kryeministrit Ramush Haradinaj dhe spikerit të parlamentit Kadri Veseli, duke i paralajmëruar që të mos i përsërisin përpjekjet për ta shfuqizuar Gjykatën Speciale.

Ata, po ashtu, kanë dënuar edhe kërcënimet me dhunë të veteranëve dhe deputetit të AAK-së, Daut Haradinajt, i cili përmendi ?aktivizimin e instrumentit UÇK?, duke thënë se gjuha e tillë është e papranueshme.

Po ashtu, raporton “Zeri.info”: Ambasada i ka kërkuar Qeverisë “Haradinaj”, t?i hedhë poshtë të gjitha këto kërcënime.

Deklarata e Ambasadës së SHBA-së, me një gjuhë të ashpër ultimative kërkon që të ndalen përpjekjet për shfuqizimin e Gjykatës Speciale. Ajo ka ardhur pas disa reagimeve të ambasadorit Greg Delawie, duke theksuar se pohimet që shfurqizimi i Speciales nuk do të ketë pasoja për Kosovën janë të gabueshme.

 Deklarata e plotë e Ambasadës së SHBA:

Gjatë kësaj jave udhëheqësit e Kosovës kanë bërë deklarata të përsëritura publike duke thënë se një inicijativë lidhur me Gjykatën Speciale, e ndërmarrë në Kuvendin e Kosovës, nuk do të dëmtojë marrëdhëniet ndërkombëtare të Kosovës.

Ata e kanë gabim.

Çfarëdo përpjekje e tillë e përsëritur do të kishte pasoja të thella negative për të ardhmen evropiane të Kosovës dhe për marrëdhënien e saj me Shtetet e Bashkuara.

Gjithashtu, kërcënimet me dhunë janë tërësisht të papranueshme, dhe qartësisht dhe pa mëdyshje ato duhet të hidhen poshtë nga Qeveria.

Jemi jashtëzakonisht të dëshpëruar me ata që do të sakrifikonin të ardhmen e shtetit të tyre dhe përkrahjen e patundur të Shteteve të Bashkuara në favor të interesave të tyre personale./





Lajmet e fundit nga