Avokati tregon si ambasadori Lu po punon kundër Shqipërisë dhe SHBA-ve

29 Dhjetor 2017, 19:20, Aktualitet CNA

Aktivisti i Shoqërisë Civile, Altin Goxhaj, ka vijuar sulmet ndaj Soros dhe shqiptarëve që punojnë për interesat e këtij të fundit.

Me anë të një postimi në rrjetet sociale, avokati Goxhaj, teksa akuzon ambasadorin e Shteteve të Bashkuara të amerikës, si një antiamerikan dhe që punon për interesa të manjatit hungarezo-amerikan George Soros. Sipas Goxhajt, shumë figura të medias që punojnë për Soros janë shpërblyer herë pas here, ndërsa sjell rastin e gazetarit Gjergj Erebara, për të cilin Goxhaj shkruan se të qenit anti-Trump bëri që të vlerësohet maksimalisht nga ambasada dhe të shkojë për vizitë zyrtare në Departamentin Amerikan të Shtetit.

“Ky është kushti që plotëson Gergj Erebara, gazetari dhe aktivisti i Fondacionit Soros, i Spin-off të tij BIRN Albania të krijuar në 1 Prill 2014 nga Fondacioni Soros që të prodhojë lajme sipas Soros sidomos kundër Trump në shqip dhe anglisht! Ke më shumë shanse të fitosh siç fitoi Gjergj Erebara nëse ke organizuar edhe Protesta kundër Izraelit dhe SHBA Palestinës duke i kërkuar Qeverisë që të votojë kundër kërkesës amerikane për abstenim dhe nukj po flasim thjesht për sot por që në 2012! Vlerësohet akoma dhe më shumë nëse bën thirrje për dhunë fizike ndaj aktivistëve që janë kundër protestave antiamerikane siç ndodhi në 11 Nëntor 2013!”, – shkruan Goxhaj, ndërsa shton se, “Nëse i përket një medie që mashtron në anglisht kundër Trump në emër të Shqipërisë vlerësohesh me pikë maksimale nga Ambasada e Shteteve të Bashkuara të Amerikës!”.

Në vijim Goxhaj shprehet se të qenit pro Amerikës të penalizon në sytë e ambasadorit Donald Lu.

“Dhe pikërisht kjo është arsyeja pse nuk fiton Armir Shkurti apo Basir Çollaku, pse nuk fiton Alida Tota apo Artan Rama, etj etj gazetarë të papunë me urdhër të Klikës Sorosiane në pushtet sepse kanë cenin që janë proTrump, ProAmerikanë, AntiSoros!

S?bëhet fjalë as për mediat e vetme proamerikane dhe ProTrump si Fax News TV apo Gazetat Telegraf apo Standard, Syri.net apo City News, Shuplaka apo Hashtag, Veritas apo Publik Live, Minerva apo Pa Rrena, AntiSoros Tv apo Populli TV, që kanë qenë kaq aktive pro SHBA dhe Trump këto 2 vjet të paktën! Joooooooo!”, – shprehet avokati.

Më tej ai lajmëron se do të tregojë me hollësi edhe si kanë zgjedhur në emër të Shoqërisë Civile për të Drejtat e Njeriut asistenten e Fatmir Xhafës dhe eksperten e Soros për Reformën në Drejtësi.

Në përmbyllje të shkrmit të tij, Altin Goxhaj ka zbuluar edhe arsyen se përse Lu po sponsorizon dizinformimin e DASH, sikur shqiptarët janë antiamerikanë.

“Arsyeja pse Lu në emër të një axhende underground të Soros po sponsorizon me paratë e taksapaguesve amerikanë dizinformimin e DASH sikur shqiptarët janë antiamerikanë, lidhet me Axhendën e Klikës Sorosiane në pushtet për të larguar Shqipërinë nga Orbita e Influencës dhe Kujdesit Amerikan dhe për ta hedhur atë në Vrimën e Zezë të Askundit të Jugosllavisë së Re sipas konsensusit antiamerikan Gjermani – Rusi – Turqi dhe si vegël po përdoren zyrtarët e Soros në Bruksel ashtu siç e denoncoi Nigel Farage në Nëntor në Parlamentin Europian në Strasburg!”, – shkruan Goxhaj/CityNews

Më tej ai ka sjellë edhe disa shkrime të gazetarit Gjergj Erebara, që sipas avokatit Goxhaj, janë dëshmi e punës së tij kundër Amerikës dhe Trump.