web counter
LEXO PA REKLAMA!

SHKARKO APP

App Store
Google Play

E fundit!

x

Dhënia e nështetësisë Kryepeshkopit Janullatos/ Ish-ministri i Jashtëm i Greqisë letër Metës

29 Dhjetor 2017, 18:55, Aktualitet CNA

Ish-ministri i Jashtëm i Greqisë, Theodoros Pangalos i ka dërguar një letër falenderimi presidentit Ilir Meta lidhur me dhënien e nënshtetësisë shqiptare ndaj kryepeshkopit Anastas Janullatos.

Lajmi është bërë i ditur nga zyra e shtypit e Presidentit, ndërsa Pangalos, teksa citon se vepra e Kryepeshkopit Janullatos është madhore, i shpreh falenderimet dhe përgëzimet Metës për dhënien e nënshtetësisë.

Letra e plotë:

?Ju falenderoj dhe ju përgëzoj për dhënien e nënshtetësisë shqiptare për Fortlumturinë e Tij, Kryepeshkopin Anastas Janullatos.

Konstatoj personalisht veprën e tij madhore (Janullatosit) për lehtësimin e problemeve, jo vetëm të shqiptarëve të krishterë ortodoksë por edhe të gjithë shtetasve të tjerë në nevojë pavarësisht bindjeve fetare.

Zoti President, uroj për ju, familjen Tuaj dhe të gjithë bashkëpunëtorët tuaj, një Vit të Ri, të lumtur e të suksesshëm. Me konsideratë e respekt, Theodoros Pangalos.

Theodoros Pangalos nga viti 1982-1984 ka qenë zëvendësministër i ministrisë së Tregtisë, nga 1984-1985 ka qenë zëvendësministër i jashtëm, 1985-1989 ministër plotësues i ministrisë së Jashtme, 1989-1993 përfaqësues i Greqisë në Këshillin Europian, 1993-1994 ministër plotësues i ministrisë së Jashtme, 1994 ministër i Transporti dhe i Lidhjeve, 1996-1999 ministër i jashtëm i Greqisë, 2000 ministër i Kulturës dhe zëvendëskryeministër e Greqisë 2009? /CityNews

 

 





Lajmet e fundit nga