web counter
LEXO PA REKLAMA!

SHKARKO APP

App Store
Google Play

E fundit!

x

2018 do e vrasë Mona, Ramën apo Rama do vrasë Monën?!

29 Dhjetor 2017, 19:49, Aktualitet CNA

Si urim për Krishtlindje zj. Kryemadhi kryetare e LSI-së në një deklaratë publike të tipit: shqiptarët kanë bërë drejtësi edhe midis Parisit, e paralajmëroi apo edhe e kërcënoi me vdekje kryeministrin Edvin. Mesazhi makabër ishte i qartë, i fortë dhe i drejtpërdrejtë. Kryeministri Edvin sipas zj. Kryemadhi kishte kryer tradhëti kombëtare si Esad Pashë Toptani dhe natyrisht meritonte të vritej njëlloj si ai nga një student idealist e i mirëpaguar, nga një Avni Rustem i Shek. XXI.

U duk sikur kryeministri Edvin e gëlltiti këtë kërcënim pa u ndjerë fare. Faktikisht ai zgjodhi takimin me gazetarët këtë fund viti për të dhënë një përgjigje të koduar po aq makabër dhe kërcënuese për zj.Kryemadhi. Ai e krahasoi Monikën me të ndjerën zj. Eleonara të vetëshpallur shenjtore. Për lexuesit, që mund ta kenë harruar kujtojmë se në mesin e nëntorit 2011 zj. Eleonora u gjet e vetëvrarë në banesën e saj. Pati shumë dyshime, nëse kishim të bënim me një vetëvrasje apo me një vrasje të maskuar si vetëvrasje. Për shkak të një konflikti për troje me vlera të mëdha monetare, që kishte e ndjera Eleonorë me disa familje tiranasish denbabaden, u dyshua fort për një vrasje të mundshme. Mesazhi makabër në formën e një urimi për Vitin e Ri, që kryeministri Edvin i bënte bashkëshortes së Presidentit të Republikës Meta, ishte vetëvrasje për shkak të gjendjes së rënduar mendore ose vrasje e maskuar si vetëvrasje.

Viti 2017 po mbyllet me kërcënime për vrasje ndërmjet VIP-ave të politikës shqiptare. Mbetet vetëm të shpresojmë, që këta VIP-a e dinë mesazhin e proverbit anglez: Actions speak stronger than ëords (Veprimet flasin me zë më të lartë se fjalët). Do ishte vërtet një pyetje prej 1 milion dollarësh për të mësuar, nëse këta top politikanë do kenë guximin për të kaluar nga fjalët në vepra gjatë vitit 2018! /GJERGJ THANASI/CityNews





Lajmet e fundit nga