web counter
LEXO PA REKLAMA!

SHKARKO APP

App Store
Google Play

E fundit!

x

Historia e avionëve të mushkonjave nga Ducja te Rama

28 Dhjetor 2017, 13:34, Aktualitet CNA

Kur Berisha denoncoi transportin e drogës me avionë të lehtë nga Shqipëria në Itali, ministri i atëhershëm i shëndetësisë Beqja e ktheu denoncimin në barsaletë. Ai theksoi se të tillë avionë fluturonin në qiellin shqiptar, por jo për të transportuar drogë, por për të disinfektuar fushat nga mushkonjat. Për dreq ngecja e  një avioni dhe kapja e drogës afër tij në Divjakë e më vonë e një tjetër avioni në Ishëm (kapja në Itali e 3 avionve me drogë) e shndërroi barsaletën e Beqes në një realitet të hidhur. Tashmë avionët kundra mushkonjave të përdorura për herë të aprë në Shqipëri 74 vjet më parë ua lanë vendin ?mushkonjave? të drogës.

Për herë të parë avionët kundra mushkonjave janë përdoruru në Shqipëri në vitin 1939 për disinfektimin e ish Kënetës së Durrësit, të asaj të Tërbufit si edhe të disa pjesëve të Gjolit të Nartës. Fotoja e një avioni të tillë e vitit 1940 është bërë mbi ish Kënetën e Durrësit, ndërsa avioni po bën disinfektimin kundrs mushkonjave sidomos ato të llojit Anofel, që përhapnin sëmundjen e malaries. Për disinfektim, sic shihet edhe në foto është përdorur një aeroplan tip Caproni Ca.133. Ky lloj avioni është i konfiguracionit transport, por i përshtatur me pajisje cisternë për mbajtjen e dizinfektantit të lëngshëm si edhe me pajisje sprucimi për shpërndarjen e disinfektantit gjatë fluturimit të avionit.

Enveri

Në vitin 1963 Kina filloi ta furnizojë Shqipërinë motër (vasale) me avionë dhe pajisje aviacioni e mbrojtjeje kundërajrore. Ndër të parët avionë, që mbërritën nga Kina ishin 13 copë aeroplanë tip Y-5 (Nanchang), kopje thuajse besnike të avionëve sovjetikë AN-2 (Antonov). Në këtë parti prej 13 aeroplanësh ishin edhe 2 copë të modifikuar në nivelin Y-5B, që do të shërbenin për disinfektim.

Avionët u përdorën kundra mushkonjave të llojit Anofel duke disinfektuar ato këneta, që nuk ishin bonifikuar ende. Këto aeroplanë u përdorën po ashtu për të disinfektuar kundra krimbit të pambukut në fushat e mbjella me pambuk në Myzeqe e deri në Lapardha të Beratit. U përdorën edhe për disinfektime kundra buburrecit të patates sidomos në Fushën e Korcës.

Edvini

?Mushkonjat? e drogës u konstatuan brenda muajit të parë të qeverisjes së ?Rilindjes?. Njera prej tyre më 18 tetor 2013 ngeci në vendin e quajtur Rana e Hedhun afër Shëngjinit. Piloti italian Miscelino Galiani u justifikua se, ndërsa fluturonte nga Bari për në Venezia iu mbarua karburanti dhe bëri ulje emergjence afër Shëngjinit!!!!!!! Cështja u mbyll shpejt e shpejt nga oficerë të lartë policie dhe nga drejtues të ANTA-s. Mushkonja kësaj rrafdhe nuk kishte ngarkuar drogë! Pas mushkonjës së Ranës së Hedhun dhe pas denoncimit në parlament të Berishës, ngeci mushkonja e radhës një aeroplan ultra i lehte tip Piper në Divjakë. Piloti italian sot është në burg, ndërsa u kap edhe një sasi kanabis sativa, para se të ngarkohej në bordin e mushkonjës së Divjakës.

Pas mushkonjës së Divjakës observimi i të tilla mushkonjave në qiellin shqiptar u bë dicka e zakonshme. Kulmi arriti, kur 6 mushkonja të tilla u vëzhguan në qiellin shqiptar në një ditë të vetme. Kjo e dielë e mushkonjave u mbyll me një deklaratë zyrtare të ANTA-së, që mushkonjat ishin nisur nga Korfuzi për në Mal të ZI në kuadrin e fluturimeve turistike. Asnjë nga mushkonjat e asaj të diele nuk mbërriti në Mal të Zi. Autoritet shqiptare nuk ndërmorrën asnjë veprim SAR (kërkim-shpëtimi), madje nuk dhanë asnëj alarm ndërkombëtar për mosmbërritjen në destinacion (Podogoricë) të një gjysëm dyzine mushkonjash.

Më pas i erdhi rradha mushkonjës së Gotullës afër Ishmit, ku avioni ultra i lehtë i pilotuar nga italiani Guido Guidi ngeci në baltë. Piloti italian pasi u mbajt nja dy muaj me të gjithë të mirat në Konvaleshencën e Ministrisë së Brendshme në Durrës u përcoll në itali pa i hyrë ferrë në këmbë. Tashmë gojët e liga thonë sikur gjoja heroi ynë Guido punon fort me transporte me helikopterë e me avionë ultra të lehtë nga Maroku në Spanjë. Trimat e Guidos transportojnë edhe mall edhe pasagjerë VIP për në Spanjë. Guidon e ndihmon në këtë biznes transporti shumë fitimprurës edhe gruaja e vet e tretë një marokene etnike. Thuhet se Guidoja ynë ka punësuar edhe pilotë shqiptarë part-time për të kryer të tilla fluturime fitimprurëse. Shefi i Shtabit të Përgjithshëm për shkak të formimit të tij si oficer zbulimi besojmë se do ketë aq aftësi, ndoshta edhe kurajë e vullnet për të hedhur dritë mbi këtë punësim part time të ?shqiponjave?, pilotëve tonë në rolin e ?mules?, korrierve!

Në Itali gjatë viteve 2017-2017 u kapën disa mushkonja-avionë prodhime italiane, sllovake dhe ukrainase të ngarkuara me mall. Italianët frikacakë të tmerruar nga mushkonjat shqiptare (me raste edhe të pilotuara nga shqiptarët) në dhjetor 2016 oranizuan një stërvitje të madhe e të kushtueshme policoro-ushtarake me pjesëmarrjen ndër të tjera edhe të avionve gjuajtësve ultramodernë Typhoon! Mushkonjat tona heroike pa ia bërë syri tërr edhe pas stërvitjes italiane vazhduan sukseshëm fluturimet këtej e andej Adriatikut të ngarkuar plot me mallra e me raste edhe ndonjë pasagjer special!

Tashmë fama e mushkonjave shqiptare ka kaluar edhe Oqeanin Atlantik duke u bërë problem edhe në zyrat qëndrore të DEA-s amerikane. Le të shpresojmë, që në vitin 2018 referentët politikë të avionve të mushkonjave gjatë epokës së ?Rilindjes? Rama, të përballen me drejtësinë. Kur them me drejtësinë, nuk kam parasysh drejtësinë e sponsorizuar nga ?cifti? diplomatik Romana-Donald! Nëse Plaku i Vitit të Ri nuk u dhuron referentëve politikë të avionve të mushkonjave nga një palë byzylykë modernë spanjollë për dockat e buta, atëhere një Zot e di se cfarë do të transportojnë gjatë viitit 2018 avionët e mushkonjave përvec trefletëshit, të kuqes e të bardhës!

Fuqimisht besojmë se shkrimi ynë plot gaz maraz do ta bëjë edhe më të këndshme këtë atmosferë festive, që kapllakosur vendin e shqiponjave të shndërruar në vendin e avionëve të mushkonjave!/ GJERGJ THANASI





Lajmet e fundit nga