web counter
LEXO PA REKLAMA!

SHKARKO APP

App Store
Google Play

E fundit!

x

Festat e fundvitit/ Financat: Thesari nuk do paguajë faturat

28 Dhjetor 2017, 12:25, Aktualitet CNA

Agjencia e Prokurimit Publik dhe Financave ka reaguar në lidhje me problematikën e prokurimit që kanë kryer institucionet me objekt dreka apo darka festive të stafit me rastin e festave te fundvitit.

Ministria e Financave dhe Ekonomisë në bashkëpunim me Agjencinë e Prokurimit Publik kanë kërkuar që insitucionet të ndalojnë këto procedura.

Në të kundërt sikurse bëhet me dije në reagimin e shkurtër të dy institucioneve, drejtoritë e Thesarit nuk do ekzekutojnë pagesat.

Reagimi i plotë i APP dhe Financave:

Njoftim për të gjithë Autoritetet Kontraktore

Agjencia e Prokurimit Publik (në vijim ?APP?) ka konstatuar se, kohët e fundit autoritetet kontraktore kanë shpallur dhe zhvilluar në Sistemin e Prokurimit Elektronik procedura prokurimi me vlerë të vogël, të cilat kanë si objekt dreka apo darka festive.

Nisur nga qëllimi i ligjit nr. 9643/2006 ?Për Prokurimin Publik?, por edhe i Ligjit nr. 10296/2010 ?Për menaxhimin financiar dhe kontrollin?, të cilët synojnë mirëpërdorim të fondeve publike, APP dhe Ministria e Financave dhe Ekonomisë tërheq vëmendjen e autoriteteve kontraktore që të mos shpallin procedura të tilla prokurimi.

Gjithashtu, bëjmë me dije se Drejtoritë e Thesarit do të bllokojnë ekzekutimin e pagesave për objekte të tilla prokurimi. Duke ju falënderuar për mirëkuptimin,

Ministria e Financave dhe Ekonomisë, Agjencia e Prokurimit Publik./ CityNews





Lajmet e fundit nga