E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Tregu i sigurimeve në 11 muaj/ Dëmet e paguara 40 milionë USD

28 Dhjetor 2017, 11:01, Aktualitet CNA

Autoriteti i Mbikëqyrjes Financiare raportoi se të ardhurat nga primet e shkruara bruto të sigurimit për periudhën janar ? nëntor 2017 kapën vlerën mbi 14,290 milionë lekë, ose 6.85% më shumë se në periudhën janar ? nëntor 2016. Kjo tendencë, edhe pse në rritje, është ngadalësuar në raport me një muaj më parë duke treguar kështu shuarjen e ndikimit të ndryshimit të çmimeve për sigurimin e detyrueshëm nga kompanitë në vitin 2016. Gjatë periudhës janar ? nëntor 2017, numri i kontratave të sigurimit të lidhura arriti në 1,136,689 me një rritje prej 14.06% krahasuar me të njëjtën periudhë të një viti më parë.

AMF nënvizon se tregu vazhdoi të mbetet sërish i orientuar tek sigurimet e Jo-Jetës, të cilat sollën 92.57% të vëllimit të përgjithshëm të primeve, duke i lënë përkatësisht sigurimet e Jetës me 7.15% dhe veprimtarinë e risigurimit me 0.29%. ?Parë nga këndvështrimi i ndarjes së tregut sipas llojit të sigurimit, i detyrueshëm dhe vullnetar, primet e shkruara bruto të sigurimit vullnetar zunë 37.85% dhe primet e shkruara bruto të sigurimit të detyrueshëm zunë 62.15% të totalit të tregu? thuhet në njoftimin e Autoritetit.

Sigurimi i Detyrueshëm Motorik

?Primet e sigurimit të detyrueshëm motorik, gjatë periudhës janar ? nëntor 2017, arritën rreth 8,882 milionë lekë, ose 6.89% më shumë se në periudhën janar ? nëntor 2016. Produkti MTPL e brendshme, në periudhën janar ? nëntor 2017, pati rritje prej 8.30% të volumit të primeve të shkruara bruto. Kjo u shoqërua edhe me një rritje të numrit të kontratave prej 7.37% krahasuar me periudhën janar ? nëntor 2016? vlerëson AMF.

Nga ana tjetër, kemi një rritje të numrit të kontratave për produktin e sigurimit kufitar por një rënie të volumit të primeve të shkruara bruto çka tregon për një çmim më të ulët sesa në 2016.

Produkti Karton Jeshil, në periudhën janar ? nëntor 2017, pati një rritje me 5.92% të volumit të primeve të shkruara bruto krahasuar me periudhën janar ? nëntor 2016. Po kështu edhe numri i kontratave u rrit me 4.30%.

Dëmet, u paguan 40 milionë dollarë

Në janar-tetor, pagesa e dëmeve u rrit me pak më shumë se 15 për qind krahasuar me vitin 2016 por duket se në nëntor ka një angazhim më të madh të kompanive duke bërë që si 11-mujor rritja në raport me të njëjtën periudhë të një viti më parë të jetë më e madhe.

?Gjatë periudhës janar ? nëntor 2017, dëmet e paguara bruto në tregun e sigurimeve, arritën në rreth 4,360 milionë lekë, ose 16.39% më shumë se në periudhën janar ? nëntor 2016. Pjesa më e madhe e dëmeve të paguara bruto i përket sigurimit motorik me rreth 2,751 milionë lekë, apo 63.10% të totalit të dëmeve të paguara bruto? nënvizon AMF./ Monitor