E fundit!

11:46 Aktualitet

Balla, pyetje publike protestuesve

Kreu i Grupit Parlamentar të PS-së, Taulant Balla, u është...

Zgjedhja e kryeprokurores së përkohshme/ Ja qëllimi i kryeministrit

28 Dhjetor 2017, 10:03, Aktualitet CNA

Zgjedhja e kryeprokurores së përkoshme, Arta Marku, vetëm me votat e mazhorancës, vijon të mbetet në qendër të vëmendjes në skenën politike.

Mëngjesin e sotëm, deputeti i PD, Eduard Halimi ka akuzuar Ramën se qëllimi i tij është të ndërhyjë në hetime.

Në një postim në rrjetet sociale, Halimi shkruan se ?Kur kryeministri cakton i vetëm prokurorin e përgjithshëm të Republikës ai ka mundësi të ndërhyjë në hetime?.

Sipas tij, dorëzimi i prokurorisë tek kryeministri është degradim i reformës në drejtësi që o votua me 140 vota.

Postimi i plotë:

Caktimi i Prokurorit të përgjithshëm nga kryeministri dhe nga partia socialiste në pushtet, në mënyrë antikushtetuese me kundërshti të forta të opozitës është një ditë e keqe për shtetin ligjor dhe demokracine.
Kjo nuk është një çështje mes opozitës dhe qeverisë: është çështje e gjithë shqiptarëve.

Kur kryeministri cakton i vetëm prokurorin e përgjithshëm të Republikës ai ka mundësi të ndërhyjë në hetime.

Dorëzimi i prokurorisë tek kryeministri është degradim i reformës në drejtësi që o votua me 140 vota. Se si e degradon drejtësinë kryeministri mjafton të shohësh si shembull degradimin që i bëri parlamentit dhe politikës me futjen e personave me rekorde të tmershme kriminale. Shembull për këtë është degradimi që i bëri polcisë duke e venë në shërbim të klaneve të drogës. Shembull për këtë është zhdrimi i Shqipërisë në Kolumbi të Europës. Shembull për këtë është si u arrestua komisar Zagani dhe u ndihmua familja kriminale Habilaj të trafikonte drogë duke i fikur radarët.

Shembull është degradimi që i bëri sistemit politik në proçesin zgjedhor me kontratën me krimin si instrument për te blerë zgjedhjet e mbajtur pushtetin.

Ndaj dorëzimi i kryeprokurorit tek kryeministri si akti i parë i reformës në drejtësi është degradim i shtetit të së drejtës, dhe jo çështje e 140 deputetëve.

Rruga e vetme pas asaj që ndodhi në parlament është reagimi më i fortë.

Më i forti që opozita ka ndërmarrë në këto 5 vjet. E vetmja rrugë../ CityNews