E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skadon afati për deklarimin e pasurisë/ Gjyqtarët dhe prokurorët në alarm

28 Dhjetor 2017, 07:58, Aktualitet CNA

Skadon sot afati për deklarimin e shpenzimeve nga ana e gjyqtarëve dhe prokurorëve.

?Sot është afati i fundit për dorëzimin e formularit me 12 pyetje, sa i takon deklarimit të shpenzimeve të larta dhe sipas burimeve një pjesë e madhe i kanë dorëzuar tashmë të dhënat. ?- shkruan gazeta ?Sot?.

Nga dita e nesërme, mësohet se komisionerët e Komisionit të Kualifikimeve do të nisin verifikimet në terren për çdo deklaratë të 57 emrave prioritar.

Po ku do konsistojë puna dhe çfarë do të verifikojnë konkretisht komisionerët?

Komisionerët e Kualifikimit do verifikojnë të gjitha shpenzimet që prokurorët dhe gjyqtarët kanë bërë në të gjitha spitalet private dhe shtetërore, ndërsa më pas gjithë gjetjet e komisionerëve do të ballafaqohen me të dhënat që njerëzit e drejtësisë kanë plotësuar në formularin me 12 pyetje. Po ashtu organet e vetingut do të nisin verifikime edhe në të gjitha shkollat private dhe publike në vend dhe jashtë tij, duke kërkuar të dhënat dhe të gjitha shpenzimet që gjyqtarët e prokurorët, kanë paguar për fëmijët apo familjarët e tyre. Sakaq Komisioni i Kualifikimit do të kërkojë të dhënat për gjyqtarët dhe prokurorët edhe sa u takon veshjeve të tyre.

Komisioni do të verifikojë të gjitha shpenzime dhe faturat që njerëzit e drejtësisë kanë shpenzuar në butiqet, dyqanet, qendrat tregtare, brenda dhe jashtë vendit. Nga ana tjetër, verifikime do të ketë edhe sa i takon arredimit të shtëpive të të gjithë gjyqtarëve e prokurorëve. Komisioni i Kualifikimit do të kontrollojë shpenzimet dhe faturat në të gjitha dyqanet, si dhe kompanitë brenda apo jashtë vendit, ku gjyqtarët e prokurorët kanë blerë mobiljet e shtëpive dhe apartamenteve të tyre. Gjithashtu, Komisioni i Kualifikimit do të kalojë në skaner të gjitha llogaritë bankare dhe pasuritë e paluajtshme që gjyqtarët dhe prokurorët kanë brenda apo jashtë vendit. Ndërkohë, në lupën e organeve në vetingut do të kalojnë edhe dhuratat që gjyqtarët dhe prokurorët kanë marrë apo blerë në dyqane brenda e jashtë vendit, duke kaluar në skaner të gjitha faturat dhe pagesat që njerëzit e drejtësisë kanë shpenzuar për dhuratat.