Zgjedhja e Arta Markut nën tymin e flakadanëve/ Ruçi: Mbaj përgjegjësi

27 Dhjetor 2017, 21:44, Aktualitet CNA

Kryetari i Kuvendit të Shqipërisë, Gramoz Ruçi, i ftuar në studion e emisionit “Top Story” në Top Channel, ka komentuar zhvillimet e fundit politike dhe zgjedhjen e Prokurores së Përgjithshme të Përkohshme nën tymin e flakadanëve të protestës së opozitës në Kuvend dhe qytetarëve jashtë tij.

Ai u shpreh se, “PD-ja u vetëpërjashtua nga zgjedhja e Prokurorit të Përgjithshëm të Përkohshëm”, ndërsa shtoi se mban përgjegjësi për situatën e krijuar.

“Kryetari i Parlamentit Gramoz Ruçi në një intervistë për Sokol Ballën në ?Top Story? në ka komentuar zgjedhjen e Kryeprokurores së re të Përgjithshme të Përkohshme mes përplasjeve në sallën e Kuvendit. Ai tha se e ka përjetuar situatën e krijuar në Kuvend nga opozita, kjo për faktin se ndodhte për të parën herë në 27 vite. Po ashtu Ruçi tha se është ndjen përgjegjësi për këtë situatë të krijuar dhe se ka kërkuar falje publike.

?Unë nuk do të dëshiroja që momenti i Prokurorit të Përgjithshëm të shfrytëzohej dhe të bëhej pjesë e debatit politik, por nuk varet nga unë. Nuk e përcaktojmë dot as ata as unë nëse është shkelje kushtetuese zgjedhja në këtë mënyrë. Opozita atakoi disa ligje në Gjykatën e Kushtetuese, këtë ligj nuk e atakoi. Sigurisht sikurse i ka përjetuar mendoj unë i gjithë publiku. Unë jam përgjegjësi kryesor në atë sallë. Meqenëse jam nga më të vjetrit, u shqetësova shumë, sepse në 27 vite nuk ka ndodhur një gjë e tillë. Gjatë gjithë kohës ka parë debate të polarizuara dhe të nxehta por në asnjë rast nuk ka ndodhur që të jetë sulmuar me mjete të kësaj forme siç është sulmuar atë ditë Parlamenti. Nuk është cënuar integriteti, dhe nuk është sulmuar kabineti qeveritar. Nuk ka bërë vaki në Parlament që trysnia dhe lufta në Parlament për ti privuar votimin kolegëve të tyre duke ju marrë kartonët për të mos votuar është trishtuese. Sigurisht që unë kërkova edhe një ndjesë publike?,- tha Ruçi.

Ai tha se ndonëse Kuvendi duhet të ndiqej me dëshirë nga qytetarët, ka shumë prej tyre që kërkojnë që të mos transmetohet, e kjo është një gjë e rëndë për një vend që është Republikë Parlamentare. /CityNews