web counter
LEXO PA REKLAMA!

SHKARKO APP

App Store
Google Play

E fundit!

x

Tradhëtia ndaj Atdheut ende një zanat fitimprurës në Shqipëri

27 Dhjetor 2017, 19:39, Aktualitet CNA

Fotoja e parë është shkrepur gjatë ceremonisë së 21 prillit 1913, kur Esat Pashë Toptani komandanti i divizionit redif (rezervist) të ushtrisë otomane, i dorëzon Shkodrën Princit Danillo të Malit të Zi dhe gjeneralit Vukotic. Në foto Esat Pasha me uniformë turke pasi ka ulur nga Kalaja e Shkodrës flamurët turk dhe shqiptarë shtrëngon dorën e Princit të Kurorës Danillos. Esat pasha për këtë dorëzim të Shkodrës u shpërblye me 10 000 stërlina ar (rreth 2,5 milion euro të sotmet) si edhe me lejimin e trupave të tija, që të largoheshin nga Shkodra me të gjithë armatimin (përfshirë topat dhe mitralozat) dhe municionin, që dispononin. Të fitosh ekujvalentin e dy milion e gjysëm eurove me një dorë nuk ishte biznes i keq për Pashain Toptanas! Fundi i fundit Shkodra mbeti përsëri shqiptare, sepse vetëm pak muaj pas dorëzimit të Shkodrës Ball-Platz (ministria e jashtme austro-hungareze) kërcënoi Knjaz Nikollën me bombardim nga deti të porteve të Tivarit dhe Ulqinit si edhe të fortifikatave malazeze në Malin e Lovcemit, nëse trupat malazeze nuk tërhiqeshin menjëherë nga Shkodra dhe rrethinat e saja. Po ashtu Austro-Hungaria kërcënoi me bombardim të Beogradit (janar 1913), nëse trupat serbe nuk zbrasnin Durrësin menjëherë!

Fotoja e dytë është shkrepur gjatë shtrëngimit të duarve tejet miqësor midis ministrave Bushati dhe Kotzias në 11 nëntor 2017. Shqiptarët nuk e dinë se cfarë u vendos në këtë takim, që e bëri ministrin grek po aq shënd e verë sa pararendësen e tij Dora Bakojanis, kur takonte pararendësin e Bushatit, Lulzim Bashën. Deri tani kemi marrë vesh vetëm, që patrioti i shquar dhe kryerilindasi shqiptar i shek. XXI kryeministri Edvin ka ligjëruar me VKM varrezat e grekëve të vrarë në Luftën Italo-greke. Sa për varrezat e camërve të masakruar nga Zerva në Greqi pret puna! Fundi i fundit camër janë ata dhe nuk u bë qameti, mjafton që Bushati sot si Esati dje të shtrëngojnë duart të lumturuar me Princin Danillo apo me ministrin Kotzias.

Një qind e kusur vjet kanë kaluar dhe ende tradhëtia ndaj Atdheut në Shqipëri mbetet një biznes mjaft fitimprurës!!!!!!! /GJERGJ THANASI /CityNews





Lajmet e fundit nga