web counter
LEXO PA REKLAMA!

SHKARKO APP

App Store
Google Play

Çështja "Tahiri" dhe parat e krimit në fushatë?!/ Trondit me përgjigjen Gramoz Ruçi

27 Dhjetor 2017, 21:13, Aktualitet CNA

Kryetari i Kuvendit të Shqipërisë, Gramoz Ruçi, i ftuar në emisionin “Top Story” të gazetarit Sokol Balla, ka pranuar se në fushatën elektorale për zgjedhjet e 25 qershorit ka pasur para të krimit.

Ndërsa nuk pranoi të jenë përdorur për blerje votash ai u shpreh:

?Para të krimit ka pasur edhe në fushatat e tjera, ka pasur edhe në këtë fushatë dhe në këtë kendvështrim duhet të reflektojmë në kodin e ri që ta ndalojmë.?

Ai u shpreh se hashashi në 2017 mori përmasa të konsiderueshme dhe ish-ministrit të Brendshëm Saimir Tahiri, i doli situata nga duart.

?Nëse ministrit të brendshëm kjo gjë u doli nga kontrolli, atëherë ishte tepër vonë dhe çështja është që në 2017 masat që u morën ishin shumë të ashpra dhe kjo na nderon?, – tha Ruçi.

Sipas tij, ?Në raste të tilla, siç është çështja e zotit Tahiri, politika të heshtë derisa drejtësia të flasë. Ne duhet të mbajmë duart larg derisa drejtësia të shprehet për rastin konkret. Nuk bëj komente, qoftë nga pozicioni personal, as politik dhe aq më tepër si kryetar Kuvendit?. /CityNews





Lajmet e fundit nga