E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Reforma zgjedhore "thembra e Akilit" e politikës

28 Dhjetor 2017, 12:27, Aktualitet CNA

Parlamenti ka ngritur një komision për reformën zgjedhore, ku janë përfshirë partitë parlamentare, në njërin krah PS dhe aleatët e saj e në krahun tjetër PD dhe mbështeteësit e saj.

Në fakt, ata që kanë të dy palët në krah, sa herë që reforma zgjedhore diskutohet, dalin kundër dy të mëdhenjve, për më tepër kjo sjell përçarje në kampet politike.

Reforma po tenton të bëhet bipartizane.

Rama dhe Basha gjithçka e kanë vendosur më 18 maj, atje është mbyllur sistemi dhe formula e re zgjedhore. Të dy palët kanë rënë dakort që të shkohet drejt përfaqësimit me më pak deputetë në parlament, pra nga 140 të shkohet në 100 deputetë dhe sistemi të ngelet ky që është.

Këto janë informacionet që rrodhën në atë kohë në lidhje me sistemin zgjedhor, por përballë të mëdhenjve qëndrojnë të vegjlit.

Edi Rama nuk i ka më shqetësim aletaët e vegjël, LSI-në e ka larguar, PDIU ?në nuk duket se e ka bezdi dhe e mban lehtësisht në kontroll, Tom Doshi, është votë e deklaruar për Ramën, prandaj reforma është më shumë shqetësim për Lulzim Bashën dhe sjelljet e aleatëve të tij, pasi dy palët kanë shpallur konsensusin e tyre.

Basha ka shumë aletaë dhe me jo pak peshë elektorale.

Agron Duka me PAA, Dashamir Shehi me LZHK, Vangjel Dule me PBDNJ, Nard Ndoka me PDK dhe disa parti të tjera të vogla tradicionale si Balli e Legaliteti të bashkuara në një front të tretë politik, kanë një produkt mesatar të gjitha sëbashku me nga 100-120 mijë vota, të cilat do të ishin jo pak mandate në Kuvend, dhe atje ku mandati nuk do kapej, votat e djegura, kuptohet me shumicë do të ishin të opozitës.

Pra, reforma mund ta përçante, PD -në me aletatët dhe Bashën lehtësisht ta linte në opozitë, i cili edhe me LSI -në e Kryemadhin në krah, zor se do fitonte. Për më tepër, vështirë se Monika do qëndronte në krah të Bashës, në rast se nuk do të kishte një reformë elektorale ku PD të përfaqësonte dhe mbronte edhe interesat e saj

Ka qenë pikërisht reforma zgjedhore që e ndau LSI-në nga socialistët në vitin 2008 me ndryshimet kushtetetuse të bëra në atë kohë.

Kujtojmë se pati dhe një lëvizje brenda Parlamentit, ku u tentua të rrëzohej konsensusi Berisha ?Rama, por ish Kryeministri i atëhershëm e shuajti shpejt ?rebelimin? brenda grupit të tij parlamentar, ndërsa sot, Lulzim Basha do ta ketë të pamundur të mbajë rreth vetes, aleatët e vegjël.

Ata i gënjeu njëherë në zgjedhjet e vitit 2017 dhe të gjithë e kuptuan se cila është pesha e vërtetë elektorale e Lulzim Bashës.

Tani pritet që Basha ti përfaqësojë vërtet e në rast se nuk i mbron, por tenton ti shkatërrojë më tej, kryetari i PD-së, do të jetë në një pozitë tepër të vështirë.

Ai ka marrë 450 mijë vota dhe 43 mandate me aleatët brenda koalicionit. Duke njohur peshën e këtyre partive Basha i vetëm, kurrë nuk do të shkonte më shumë se 300 apo 350 mijë vota, të cilat do të ishin afërsisht edhe 10 mandate më pak deputetësh.

Reforma zgjedhore është “thembra e Akilit” në politikën shqiptare, sepse mund të sjellë vdekjen e një sistemi apo vdekjen e disa aleancave. Gjithsesi mund të rilindin polet dhe aleanca të reja që në çdo mënyrë ti shohësh, një lëvizje e gabuar dhe e pamenduar e Bashës, siç ai vepron shpesh, mund ta çojë edhe më gjatë në opozitë apo ti shënojë fundin e karrirerës së tij në politikë si kryetar i PD ?së./CityNews