web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet protesta e naftëtarëve para Ministrisë së Energjetikës

28 Dhjetor 2017, 12:55, Aktualitet CNA

Naftëtarët e uzinës naftënxjerrëse të ARMO-s në Ballsh kanë mbyllur protestën para Ministrisë së Energjitikës.

Ata shprehen se do të presin deri nesër në orën 13:00 që tu jepen rrogat, në të kundërt protetsta do të vijojë nga Fieri, dhe më pas do të marshojnë sërish drejt Tiranës.

Sot naftëtarët janë përplasur me policinë përpara Ministrisë së Energjetikës, ndërsa kanë bllokuar edhe qarkullimin e automjeteve. Një prej protestuesve është ndaluar për kundërshtim të punonjësve të policisë. Naftëtarët kundërshtuan propozimin e Ministrisë dhe kompanisë ARMO për të kaluar rrogat ditën e nesërme.

Kujtojmë këtu se naftëtarët e uzinës naftënxjerrëse të ARMO-s në Ballsh, të cilët kanë mbërritur orët e para të mëngjesit të sotëm në Tiranë, janë tubuar përpara Ministrisë Energjitikës ku kërkojnë pagat e prapambetura.

Përfaqësues të tyre së bashku me kreun e Sindikatave, Kol Nikollaj, dhe kreun e Sindikatave te industrisë, Taf Koleci, kanë takuar ministrin e Energjitikës, Damian Gjiknuri dhe deputetin e zonës, Ismet Beqiri, por nuk ka pasur dakordësi.

ARMO ka premtuar shlyerjen e pagave ditën e nesërme, por kjo është kundërshtuar nga naftëtarët e ARMO, të cilët duan që pagat t’i marrin sot.

Naftëtarët kërkojnë pagat për 2 muajt e prapambetura, pagën e nëntorit dhe dhjetorit dhe si dhe pagesën e sigurimeve shoqërore për një vit, dhe thonë se nuk do të lëvizin deri sa t’u plotësohen kërkesat e tyre dhe se “nuk bëhet politikë me bukën e gojës“. Ata u nisën dje në mesditë nga Fieri në këmbë drejt Tiranës por një pjesë të rrugës e kanë bërë dhe me automjete. Orët e para të mëngjesit të sot ata kanë mbërritur në Tiranë./ CityNews





Lajmet e fundit nga