web counter
LEXO PA REKLAMA!

SHKARKO APP

App Store
Google Play

E fundit!

x

“Reportazhi i qytetit tim”/ Përzgjidhen tre më të mirët

27 Dhjetor 2017, 11:44, Aktualitet CNA

Dhjetra reportazhe, janë bërë pjesë e  garës, ?Reportazhi i qytetit tim?, i hapur nga CityNews.al, në fillim të muajit dhjetor.

Interesimi i madh i qytetarëve, pa dallim profesioni  ka bërë që në redaksinë e CityNews.al të mbërrijnë reportazhe nga qytete të ndryshme të Shqipërisë.

Situata ekonomike e social-politike kanë qenë temat që autorët kanë përzgjedhur për të shkruar reportazhet tyre.

Përgjatë këtyre ditëve që gara ka qenë e hapur, materialet më të mira, janë botuar në CityNews.al.

Nga 50 reportazhe të paraqitura në redaksinë e CityNews.al, juria seleksionoi 10 më të mirët dhe midis tyre u pëzgjodhën tre materiale.

Fituesit  janë, Samet Zagradi me reportazhin ?Një ditë në Dibër?, Dhimitër Druga me reportazhin ?Lagja e grevës, Kuçova e ?Gjeneral Gramafonit? dhe Olsjan Topalli me reportazhin  “Prrenjasi qyteti që ndrydh ëndërrat?.

Reportazhi ?Një ditë në Dibër? , i shkruar  nga Samet Zagradi, ishte një reportazh i mirëfilltë dhe profesionalisht i realizuar.  Në të përshkruhej tabloja e një dite dibrane që në fakt është e përditshmja e çdo ditë.  Njerëz të deprimuar, fëmijë që nxitojnë tek kromi, kafene me tym duhani, ku serviret kafe,makiato, raki? ?Ora tetë e mëngjesit për fëmijët fatkeq të Bulqizës shënon nisjen e një dite të gjatë lodhje e rraskapitje të tejskajshme. Të pangrënë, të paveshur e me brenga të mëdha drejtohen drejt minierave të kromit, jo në dyert e shkollave ku realisht u takon…?, shkruan autori në nisje të një dite që nis dhe përfundon njësoj.

Reportazhi me titull: ?Lagja e grevës, Kuçova e ?Gjeneral Gramafonit?, i shkruar  Dhimitër Druga, është i realizuar profesionalisht. Nëpërmjet metaforës, autori iu ka dhënë ?gojë?, lagjeve të Kuçovës, të cilat rrëfejnë me radhë historinë e tyre.

? Lagjja e grevës

E ç?janë fundi i fundit lagjet e tjera? As nuk krahasohen me mua më të vjetrën, më legjendaren, më të përmendurën në historinë e Kuçovës dhe jo vetëm…Jo më kot kam tre emra, ashtu si një njeri i rëndësishëm ka tre ? katër  kostume: më quajnë Tek Vidhat, Kuçova e vjetër, ?11 Janari? dhe si për mburrje, edhe Lagjja e Grevës.

Të tjerat? ?1 maji? apo qyteti i ri është kot fare, Pazari ose ?Llukan Prifti? mburret me kohën e artë të MAPO-s, kombinati apo ?11 Shkurti? ka veshur datën e grevës sime si emër, kurse ?Tafil Skëndo? është rrudhur e mbledhur  me Bashkinë?, shkruan autori.

Reportazhi me titull “Prrenjasi qyteti që “ndrydh” endrrat”,  me autor Olsjan Topallin, i klasifikuar tek tre më të mirët, jep tablonë e zymtë të ish qytetit të minatorëve të sotëm. Nëpërmjet një realiteti dramatik, të përshkruar bukur, autori sjell panoramën e qytetit të  Përrenjasit, të veshur me problemet e përditshme.

?Dikur kjo qytezë periferike gumëzhinte nga puna dhe ritmet e jetës së vrullshme, ndërsa sot, nuk ka mbetur thuajse asgjë, përveç disa lokaleve që mbijetojnë falë të ardhurve, të cilëve iu bie rruga kalimthi këtyre anëve? Është e dhimbshme të shikosh djem të tillë, kaq të dlirë e punëtorë, kaq të bindur për të kuptuar sesa do t?u kërkojë jeta nesër, kaq të pamundur për të qenë si të gjithë të tjerët, jo për të pasur kushedi se çfarë, por thjesht mundësinë për t?u punësur, asgjë më tepër. Pasi ngrohemi disi dhe njihemi me fatin e trishtë e të rinisë së këtij vendi, i lëmë vend një xhiroje në qytet, për tu njohur me shumë me të??, shkruan autori./CityNews

 

 





Lajmet e fundit nga