web counter
LEXO PA REKLAMA!

SHKARKO APP

App Store
Google Play

Kërkesa për heqjen e mandatit/ Zbardhet raporti i prokurorisë për dy deputetët

27 Dhjetor 2017, 10:54, Aktualitet CNA

Janë zbardhur sot vendimet e prokurorisë për dy deputetët, Aqif Rakipi dhe Gledjon Rehovica, për të cilët kërkohet heqja e mandatit të deputetit.

Report TV ka siguruar vendimet e prokurorisë për dy deputetët.

Në kërkesën e Prokurorisë thuhet se Aqif Rakipi dhe Gledjon Rehovica rezultojnë të dënuar në Itali për vjedhje. Si deputeti i PDIU ashtu edhe ai i LSI rezultojnë me emra të rremë të dënuar nga drejtësia Italiane, ndërsa zbulimi i tyre është bërë përmes krahasimit të gjurmëve të gishtave nga Interpol Tirana dhe Interpol Roma.

Në raportin e Prokurorisë shkruhet se deputeti Aqif Rakipi është dënuar në Itali për vjedhje nën emrin Skënder Ejylbegaj. Ai ka konsumuar veprën penalë më 03.11.1998. Ndërsa Gledjon Rehovica, me emrin Kusta Mima, është i raportuar për vjedhjen e një dyqani në shtetin fqinj në 27.02.1999.

Të dy deputetët deputetët nuk kanë deklaruan ndalimet në formularin e dekriminalizimit. Për këtë shkak, Prokuroria i kërkon KQZ-së heqjen e mandatit për dy deputetët e Kuvendit të Shqipërisë. KQZ pritet të vendosë ditët në vijim për këtë kërkesë të organit të akuzës, ndërsa në një mbledhje konsultuese të zhvilluar paraditen e sotme, iu la disa ditë kohë deputetëve për t’u njohur me dosjen.





Lajmet e fundit nga