web counter
LEXO PA REKLAMA!

SHKARKO APP

App Store
Google Play

Lehtësitë fiskale/ Tatimet: Ja si mund të përfitoni TVSH-në 6 për qind

27 Dhjetor 2017, 10:11, Aktualitet CNA

Drejtoria e Përgjithshme e Tatimeve u ka bërë thirrje bizneseve që ushtrojnë aktivitet në disa fusha, përfshirë edhe si struktura akomoduese, që të regjistrohen në Qendrën Kombëtare të Biznesit si persona të tatueshëm më vete, duke riorganizuar ose jo, veprimtarinë ekonomike. Kjo kërkesë vjen në mënyrë që të përfitojnë nga lehtësitë fiskale të miratuara pak kohë më parë. Bëhet fjalë për ndryshimet ligjore që lidhen me Tatimin mbi Vlerën e Shtuar që sanksionon se shërbimi i fjetjes tatohet në masën 6 për qind, ndërkohë që çdo shërbim tjetër 20%.

Kjo lidhet më shumë me biznese që përdorin një NIPT të përbashkët për disa aktivitete ndërkohë që ajo që lidhet me strukturat akomoduese duhet të nxirret më vete ose të evidentohet nga të tjerët për të përfituar ulje të TVSH-së.

?Drejtoria e Përgjithshme e Tatimeve njofton të gjithë personat e tatueshëm, të cilët, përveç veprimtarisë në fushën e strukturave akomoduese, kryejnë edhe veprimtari të tjera, të regjistrohen në Qendrën Kombëtare të Biznesit si persona të tatueshëm më vete, duke riorganizuar ose jo veprimtarinë e tyre ekonomike, siç përcaktohet në ligjin nr.9901, datë 14.04.2008 ?Për tregtarët dhe shoqëritë tregtare?, të ndryshuar.

Ky proces vlen për të përfituar nga lehtësitë fiskale në fushën e turizmit e synon formalizimin e këtij sektori sipas parashikimit në ligjin nr.92/2014, datë 24.07.2014, ?Për TVSH-në në RSH?, i ndryshuar, neni 49, pika 3 dhe VKM nr.652, datë 10.11.2017 ? Për disa ndryshime dhe shtesa në vendimin Nr.953, datë 29.12.2014, të Këshillit të Ministrave ?Për Dispozitat Zbatuese të ligjit nr.92/2014, ?Për Tatimin mbi Vlerën e Shtuar në Republikën e Shqipërisë?, të ndryshuar?, neni 3, pika 2.

Regjistrimi në Qendrën Kombëtare e Biznesit duhet të kryhet brenda 3 muajve nga hyrja në fuqi e këtij vendimi. Vendimi i sipërcituar është botuar në Fletoren Zyrtare nr.200, datë 20.11.2017, dhe ka hyrë në fuqi që nga data 05.12.2017? thuhet në njoftimin e Tatimeve./ Monitor





Lajmet e fundit nga