Shteti humbet miliarda lekë nga pasuritë e sekuestruara/ Eksperti i Ekonomisë shpjegon arsyet

27 Dhjetor 2017, 11:20, Aktualitet CNA

Eksperti i ekonomisë Hekuran Vladi thotë se nga keqadministrimi i pasurive të sekuestruara rezervat e shtetit humbasin miliarda lekë.

Në një shkrim të publikuar në rrjete sociale, Vladi shpjegon arsyet pse shtetit humbet miliarda lek nga pasuritë e sekuestruara.

Sipas tij në momentin e sekuestrimit, shumë makina kushtojnë jo më pak se 20.000 $/cope, ndërsa para ca ditësh rezervat e shtetit kanë shitur 264 makina te konfiskuara per me pak se 40 mije $.

Gjithashtu eksperti i ekonomisë sqaron se pjesa me e madhe e humbjes vjen nga mungesa e ligjit.

?Qe nga momenti i sekuestrimit, deri ne ate te konfiskimit, pra koha mesatare rreth 2 vjet.

Edhe ne garazhe personale po te ruhen makinat, ato pesojne demtime motorike, gjenerike, etj, etj. Renia e vleres se tregut eshte gjithashtu e madhe.?- shkruan Hekuran Vladi.

Postimi i plotë:

Pse shteti shqiptar humbet miliarda leke nga keqadministrimi i pasurive te sekuestruara.

Pjesa 1. Makinat e sekuestruara

Rezervat e shtetit kane shitur para ca ditesh 264 makina te konfiskuara per me pak se 40 mije $, ose rreth 600$/cope. Pjesa derrmuese jane makina te krimineleve te ndryshem, te cilat jane sekuestruar ne cilesine e provave materiale.

Keto makina, ne momentin e sekuestrimit, kushtojne jo me pak se 20.000 $/cope. Keshtu qe, do te thoja me pergjegjesi qe, vlera mesatare e te gjitha makinave, ne momentin e sekuestrimit, eshte me e madhe se 10.000 usd/cope.

Pra, ne vend te rreth 2.640.000 usd, shteti arketon vetem rreth 40.000 usd, ose rreth 66 here me pak. Pasi t’i zbresesh kesaj shume shpenzimet e administrimit, magazinim, ruajtje, shp.administrative (ne vite), te cilat jane shume me teper se 40.000 $, kupton qe, shteti del me humbje nga ky proces. Por, kjo eshte vec “maja e ajsbergut” te humbjes. Duke mos llogaritur dot shpenzimet e perpjestuara te Rezervave te shtetit, pasi ky institucion punon si ne kohen e komunizmit dhe nuk i ka rene mendja njeriu te llogarise rentabilitetin, po themi qe fitimi i shtetit shqiptar per keto 264 makina eshte 0 (zero). Vazhdojme…

Koha mesatare e marrjes se vendimit te formes se prere per veprat penale ne Shqiperi eshte rreth 2 vjet. Pra, le te llogarisim qe keto makina kane minimumi 2 vjet te bllokuara e qe nuk qarkullojne. Vetem nga taksat shteti ka humbur mesatarisht 100 $/vit, pra rreth 53.000 $, ose me shume sesa ka arketuar nga shitja e tyre.

Se dyti dhe me kryesorja, nese keto makina do te ishin shitur me gjysmen e vleres ne momentin e sekuestrimit, shteti do te arketonte min rreth 1.320.000 $.

Sic e shohim, vetem nga keto 264 makina, shteti shqiptar ka humbur rreth 1.5 milion $, ose 180 milione leke (te reja). Nje shume kjo, e barabarte me gjysem page shperblim per te gjithe efektivet e policise se shtetit, psh.

Ku humben keto para?

Pjesa me e madhe e humbjes vjen nga mungesa e ligjit. Qe nga momenti i sekuestrimit, deri ne ate te konfiskimit, pra koha mesatare rreth 2 vjet. Edhe ne garazhe personale po te ruhen makinat, ato pesojne demtime motorike, gjenerike, etj, etj. Renia e vleres se tregut eshte gjithashtu e madhe. Ligji duhet te parashikoje shitjen e menjehershme te makinave, si pasuri qe humbasin vleren ne kohe. Keshtu qe, shitja mund te behet ne grupe te vogla, ose rast pas rasti ne ankande te hapura, me cekic, si ne te gjitha vendet e Europes dhe SHBA.

Problemi tjeter ligjor dhe ai me i madh, eshte mos-unifikimi i regjimit te pasurive te sekuestruara dhe te konfiskuara. Ka pasuri te sekuestruara qe administrohen nga Rezervat e Shtetit e te tjera qe administrohen nga Agjencia e Administrimit te Pasurive te Sekuestruara dhe te Konfiskuara dhe pasuri te tjera qe nuk administrohen fare. Ne rastin e makinave, shume celesa rrine ne xhepat e prokuroreve, policeve, etj. Shqiperia eshte vend i vogel dhe nuk e ka luksin e ketij diversiteti. Jane shume para per Shqiperine keto. Per ta mbyllur ketu ceshtjen e mungeses se rregullimit ligjor, mendoj qe Rezervat e Shtetit nuk kane asnje lidhje me kete pune. Administrimi i te gjitha pasurive me origjine kriminale duhet te lihet ne pergjegjesine e nje Agjencie te vetme.

Pas kesaj vjen menyra aktuale e administrimit te makinave. Shumica qendrojne akoma neper oborret e komisariateve te policise dhe atyre te prokurorive. Edhe ne rastet kur i cojne tek Rezervat e Shtetit, jane thjesht preja e hajduteve-magaziniere e drejtore pas drejtoresh. Kjo, pasi nuk ka asnje procedure standarte per marrjen ne dorzim te vlerave materiale nga policia. Gjysma e dyqaneve te pjeseve te kembimit ne Tirane e kane nga nje numer magazinieri te Rezervave te Shtetit.

Keto radhe, me siper, jane nje llogaritje e pergjithshme, ne kushtet me optimale te asaj qe mund te kete ndodhur saktesisht me keto 264 makina. Mungojne pergjigjet per pyetje si, cfare makinash ishin, cfare vit prodhimi, sa kohe kishin te bllokuara, etj, etj. Gjithsesi, shuma e humbjes prej 180 milion leke, pas ketyre saktesimeve, do te dilte me e larte./ CityNews