E fundit!

22:05 Aktualitet

Pjesëtarë të grupeve kriminale/ Gjashtë shqiptarë ekstradohen nga Emiratet e Bashkuara Arabe

Gjashtë shqiptarë, pjesëtarë të grupeve kriminale, janë ek...

Përmbytjet/ Xhaçka pret mbërritjen e ndihmave nga BE

15 Dhjetor 2017, 15:24, Aktualitet CNA

Ministrja e Mbrojtjes, Olta Xhaçka ka qenë sot së bashku me përfaqësuesit e vendeve të Bashkimi Evropian, në Qendrën e Pritjes dhe Administrimit të Ndihmave për përmbytjet e fundit pranë Komandës Mbështetëse.
Veç vendeve fqinje që kanë dërguar ndihma për t?u ardhur në ndihmë banorëve të përmbytur, solidarizim kanë shprehur edhe disa vende anëtare të Bashkimit Evropian.

Gjatë fjalës së saj, ministrja Xhaçka pasi ka shprehur falenderim për ndihmat e ardhura, ka vijuar më tej duke thënë se, Forcat e Komandës Mbështetëse vazhdojnë të jenë në krye të detyrës për t?u ardhur në ndihmë njerëzve në nevojë.

?Ndihma juaj është e çmuar për popullsinë në nevojë, por edhe për ne si Ministri e Mbrojtjes, pasi edhe sot që flasim, forcat tona të komandës mbështetëse vazhdojnë të jenë në krye të detyrës, duke u qëndruar pranë njerëzve më të rrezikuar,si pasojë e reshjeve të rënda që goditën vendin tonë. Struktura të veçanta të Forcave të Armatosura të Republikës së Shqipërisë janë angazhuar fuqishëm për menaxhimin dhe shpërndarjen e të gjitha donacioneve ndërkombëtare. Në emër të Qeverisë shqiptare ju siguroj se të gjitha donacionet do të përdoren edhe për të ndihmuar, edhe për të rikuperuar gjendjen pas katastrofës, dhe se shpërndarja do të jetë e hapur dhe transparente?, – u shpreh ministrja Xhaçka.

Ambasadorja e Bashkimit Evropian në Shqipëri, Romana Vlahutin, shprehu vlerësim për investimet e qeverisë për parandalimin e përmbytjeve.

?Dëshiroj të falënderoj të gjithë ju për këto arritje që janë bërë tashmë edhe përsa i përket parandalimit të rezultateve negative që sjellin përmbytjet sepse ajo që kemi parë është që Shqipëria është më mirë e përgatitur se më parë, kjo edhe në sajë të investimeve që janë bërë në lumin Vjosë. Dëshiroj t?ju falënderoj ju që jeni këtu përpara nesh për punën e shkëlqyer që keni bërë sepse ju keni qenë atje gjatë gjithë kohës me të gjithë ata njerëz që kanë pasur këto probleme dhe që kanë përjetuar fatkeqësitë dhe duke qenë atje ju iu keni dhënë atyre shpresë?, – u shpreh Vlahutin.
Kujtojmë se, Ambasadorët e Austrisë, Greqisë, Sllovakisë dhe Sllovenisë premtuan se do të jenë bashkëpunues sa herë të jetë e nevojshme. Ndihmat e para nëpërmjet Mekanizmit të Mbrojtjes Civile të BE-së kanë ardhur nga Greqia dhe Sllovenia, ndërkohë që ditën e sotme e në vijim pritet të vijnë nga Austria, Franca dhe Sllovakia. /CityNews