Me lekët e drogës, Rama bleu shoqërinë civile

15 Dhjetor 2017, 13:47, Aktualitet CNA

Kryetarja e Lëvizjes Socialiste për Integrim, Monika Kryemadhi ka vijuar akuzat ndaj qeverisë Rama.

Në një postim në rrjetet sociale, Kryemadhi ka shkruar se kryeminstri Rama ka blerë shoqërinë civile, nëpërmjet një ligji të posaçëm.

?Lekët e drogës blejnë përfundimisht me ligj shoqërinë!

Dje kryetrafikanti që drejton qeverinë bleu me një ligj të posaçëm shoqërinë civile.

Miliona euro do t?i dhurohen shoqërisë civile që ajo, sipas planit të hartuar nga Edi Rama, të ofrojë ndihmë juridike për nenin famëkeq 15 të ligjit për “Ndihmën Juridike të Ofruar nga Shteti”, u shpreh kryetarja e LSI.

Gjithashtu, Kryemadhi shkruan se neni 15 i ligjit për “Ndihmën Juridike të Ofruar nga Shteti?, nuk është propozuar nga ekspertët , por sipas saj u miratua dhunshëm nga Edi Rama.

?Ky nen që nuk u propozua nga ekspertët, por u përfshi dhe u miratua dhunshëm nga Edi Rama, me qëllim blerjen si shpërblim ndaj shoqërisë civile, për kryerjen me “sukses” të misionit të bllokimit të reformës në drejtësi.

Neni i sponsorizuar nga Edi Rama synon qartas bllokimin e Këshillit të Lartë të Prokurorisë dhe për rrjedhojë të SPAKUT dhe të Byrosë së Hetimit. Me këtë akt kryetrafikanti i qeverisë, jo vetëm vjedh në mënyrë të turpshme paratë e shqiptarëve, por i shton pushtetit të tij edhe për pak ditë agoninë?,- shkruan Kryemadhi.

Në përfundim të fjalës së saj ajo shtoi se, mentorët e inkriminuar dhe Rama duhet të kenë të qartë se asnjë manovër e ulët në bashkëpunim me segmente të shoqërisë civile nuk mund ta zgjasë fundin e parashkruar të një qeverie, e cila erdhi në pushtet me lekët e drogës.

?Edi Rama dhe mentorët e tij të inkriminuar duhet ta kenë të qartë se asnjë manovër e ulët në bashkëpunim me segmente të shoqërisë civile nuk mund ta zgjasë asnjë orë më shumë fundin e parashkruar të një qeverie që erdhi në pushtet dhe ende mbahet në këmbë nga paratë e trafikut të drogës.

Çdo përpjekje agonike është thjesht një akt i pavlerë për t?i shpëtuar drejtësisë dhe përballjes me të vërtetën e hidhur të inkriminimit në çdo segment të qeverisë Rama?, – shkruan Kryemadhi. /CityNews