web counter
LEXO PA REKLAMA!

SHKARKO APP

App Store
Google Play

Skandali/ IKMT shemb banesa me leje, për ndërtimin e pallatit

15 Dhjetor 2017, 12:04, Aktualitet CNA

IKMT ka ndërmarrë sot aksionin për prishjen e një ndërtese te rrugica Dervish Hatixhe, në Tiranë.

Mësohet se IKMT vijon punën për prishjen e objektit, edhe pse gjykata ka vendosur për mosprishjen e tij.

CityNews.al ka mësuar se IKMT po nxjerr banorët jashtë, ndërsa prishja e objektit po bëhet për të ndërtuar një pallat në vend të saj.

E kontaktuar nga CityNews.al, një ndër banoret e kësaj ndërtese, Anjeza Hoxha deklaron se aksioni i IKMT është në kundërshtim me ligjin, pasi leja është dhënë nga një pronar që në fakt nuk ekziston.

Banorja shprehet se kanë mbi 35 vjet që jetojnë në këtë banesë, dhe sipas ligjit ata janë automatikisht pronarë të saj.

?Banesa është marrë në vitin 84 në formë dhurimi. Në vitet ?97-?98 është rindërtuar tre herë dhe tani vjen një firmë e cila pretendon se ka marrë leje nga pronari i mëparshëm i ndërtesës për ta prishur objektin dhe në vend të saj të ndërtohet një pallat. Kemi bërë ankesë në Gjykatën e Shkallës së I, e cila ka hedhur poshtë pretendimin e firmës ndërtuese.?- deklaroi Anjeza Hoxha.

Sipas banores, pas vendimit të Gjykatës, firma ka kërkuar leje nga Bashkia, e cila e ka aprovuar lejen, edhe pse është dhënë nga një pronar që në fakt nuk ekziston.

Gjithashtu ajo tregon dhe një tjetër shkelje të IKMT, e cila ndërkohë që ju kishte lënë pesë ditë kohë për lirimin e objektit, sot është dita e tretë dhe IKMT ka filluar çmontimin e objektit, duke nxjerrë jashtë banorët./ CityNews





Lajmet e fundit nga