web counter
LEXO PA REKLAMA!

SHKARKO APP

App Store
Google Play

Shqipëri-Maqedoni/ Fillon mbledhja e përbashkët e qeverive

15 Dhjetor 2017, 14:07, Aktualitet CNA

Kryeministri i Maqedonisë Zoran Zaev është pritur me ceremoni zyrtare në Pogradec nga Kryeministri Edi Rama në orën 14:40. Ndërsa më pas, Zaev dhe kabineti i tij qeveritar kanë filluar mbledhjen e përbashkët me qeverinë shqiptare.

Në këtë takim, fjalën e ka marrë i pari kryeministri shqiptar, Edi Rama, i cili ndër të tjera theksoi se do të realizohet lëvizja e lirë e mallrave mes dy vendeve.

Ai tha se kjo mbledhje e përbashkët do të çel një kapitull të ri në marrëdhëniet mes dy vendeve duke përmendur edhe disa nga projektet që i shërbejnë bashkëpunimit mes tyre. Rama theksoi se zbatimi i Marrëveshjes së Ohrit mbetet baza.

?Është një kënaqësi e posaçme për të gjithë ne në anën e qeverisë së Shqipërisë t?ju urojmë mirëseardhjen këtu në Pogradec kur përgjithësisht njerëzit e këtij vendi e lidhin gjithmonë këtë qytet të mrekullueshëm me një nga bijtë më të dashur dhe një nga poetët më të mëdhenj shqiptarë dhe europianë, Lasgush Poradecin. Pjesa më e madhe e vargut të tij magjik i kujtohet këtij liqeni, kësaj pasurie të përbashkët. Kjo simbolikë e liqenit ngushton lidhjet mes dy vendeve. Besoj se ajo i përshtatet më së miri dhe qëllimit të kësaj mbledhjeje të parë të dy qeverive, që jemi shpresëplotë se çel një kapitull të ri në marrëdhëniet e fqinjësisë sonë të mirë, ndërthurur me interesa të përbashkëta, gjeografike, historike, kulturore dhe jo në plan të fundit gjeopolitike dhe gjeo strategjike. Shqipëria do të jetë gjithnjë mikja më e mirë e Maqedonisë që prej pavarësisë së saj, çka qeveritë e Shqipërisë e kanë treguar në mënyrë të palëkundur?, deklaroi Rama./ CityNews





Lajmet e fundit nga