web counter
LEXO PA REKLAMA!

SHKARKO APP

App Store
Google Play

Qumështi me përmbajtje kancerogjene/ Peleshi: Sistemi i sigurisë ushqimore jo perfekt

15 Dhjetor 2017, 15:04, Aktualitet CNA

Pas publikimit raportit të analizave ushqimore nga Albanian Food Industry, nga ku rezultonte se qumështi kishte përmbajtje të lëndëve kancerogjene si Aflatoksina, ka reaguar edhe ministri i Bujqësisë Niko Peleshi.

Me anë të një komenti në rrjetet sociale, Peleshi shprehet se sistemi i sigurisë ushqimore në Shqipëria as nuk ka qenë e as nuk është perfekt, e kësisoj, ai shprehet se duhen ndërhyrje radikale.

“Sistemi i sigurisë ushqimore në vend nuk ka qënë dhe nuk është perfekt. Pikërisht sepse bëhet fjalë për siguri ushqimore ndërhyrja duhet të jetë radikale. Ashtu sic u bë dhe po vazhdon të bëhet me ciklin e mishit, sikurse e kemi lajmëruar edhe më përpara do të ndërhyjmë në mënyrë po aq radikale edhe në ciklin e grumbullimit dhe përpunimit të qumështit.”, – shkruan Peleshi.

Sipas Peleshit pas raportit të AFI, është kërkuar nga institucionet e shtetit si Laboratorit të Referencës së ISUV dhe AKU-së, që të verifikojë situatën e qumështit dhe të garantojë sigurinë ushqimore.

“Duke marë shkas edhe nga raporti i AFI, i kemi kërkuar institucioneve tona, laboratorit të referencës të ISUV dhe AKU që të verifikojnë situatën e qumështit dhe të ndërtojnë mbi këtë bazë planin për garantimin e standarteve dhe sigurisë ushqimore për produktet me origjinë shtazore dhe jo vetëm.”, – përmbyll reagimin e tij ministri Peleshi. /CityNews





Lajmet e fundit nga