web counter
LEXO PA REKLAMA!

SHKARKO APP

App Store
Google Play

E fundit!

x

Tre vajza mes tyre një e mitur, tentojnë vetëvrasjen

13 Dhjetor 2017, 17:37, Aktualitet CNA

Tre vajza kanë tentuar t’i japin fund jetës, në kushte të rënduara psikologjike, duke pirë helm.

Policia raporton se rasti i parë ka ndodhur në Kavajë, ku një 12-vjeçar me inicialet K.P. është gjetur në gjendje të rëndë nga familjarët, pasi kishte konsumuar një sasi të konsiderueshme medikamentesh. Prindërit e kanë dërguar me urgjencë në spital ku fatmirësisht mësohet se është jashtë rrezikut për jetën. Policia shprehet se dyshohet se 12-vjeçarja e kishte marrë këtë hap në kushte të rënda depresioni.

Rasti i dytë mësohet të kerë ndodhur në fshatin Koxhas të Shijakut, ku një 30-vjeçare me inicialet L.C., është vetëhelmuar me insekticide. Ajo është dërguar nga familjarët në spital ku edhe ndodhet nën kujdesin e bluzave të bardha. Ende nuk dihen shkaqet që kanë çuar në këtë hap 30-vjeçaren.

Rasti i tretë i vetëhelmimit ka ndodhur në qytetin e Laçit, ku një 22-vjeçare me inicialet M.K., banuese në Kurbin, është vetëhelmuar me bar miu. Ajo është dërguar me urgjencë në spital, ku fatmirësisht ndodhet jashtë rrezikut për jetën. Sipas policisë, dyshohet se 22-vjeçarja e ka marrë këtë hap në kushte të rënduara psikologjike.

Materialet për rastet janë dërguar për veprime të mëtejshme në Prokuroritë përkatëse. /CityNews





Lajmet e fundit nga