web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i ish-deputetit socialist/ Rama do të heqë taksën e infrastrukturës edhe për kullat shumëkatëshe!

13 Dhjetor 2017, 16:47, Aktualitet CNA

Partia ZGJIDHJA e ish-deputetit socialist, Koço Kokëdhima, ka vijuar me sulmet ndaj qeverisë dhe kryeministrit Edi Rama.

Me anë të një postimi në rrjetet sociale, ZGJIDHJA e Koço Kokëdhimës, ka denoncuar se Edi Rama do të heqë taksën e infrastrukturës edhe për kullat shumëkatëshe, ndërsa shton, se Rama po u bën një qokë miqve të tij.

“Në emër të nxitjes së turizmit, qeveria shqiptare ka miratuar lehtësi të shumta për hotelet me 4 dhe 5 yje, si përjashtim nga tatim fitimi për 10 vite, heqjen e taksës së pronës dhe heqjen e taksës së infrastrukturës për hotelet me 5 yje. Lehtësitë i fitojnë hotelet që klasifikohen me status special dhe kriteret e këtij statusi miratohen dhe jepen nga Këshilli i Ministrave.”, shkruhet në denoncimin e ZGJIDHJa, ku shtohet se, “Sipas burimeve të ?Zgjidhja?-s, taksa e infrastrukturës, një nga burimet më të mëdha të financimit të pushtetit lokal, pritet të hiqet jo vetëm për hotelet me 5 yje, por edhe për disa prej kullave shumëkatëshe që pritet të ndërtohen në mes të kryeqytetit, përmes manipulimeve me statusin special.”

Në vijim Thuhet se ndonëse plani rregullues u hartua pa transparencë dhe vendoste ndërtimin e kullave ku dëshironin oligarkët e Ramës, tashmë ata nuk duan të paguajnë as taksë.

“Pasi plani rregullues u hartua pa transparencë në një mënyrë të tillë që mundësonte ndërtimin e kullave aty ku vinin gishtin oligarkët e Ramës, tashmë ata nuk duan të paguajnë as taksën e infrastrukturës, që është 8% e vlerës së shitjes së ndërtesës dhe që arrin miliona euro për kullat e larta. Ata kanë shtyrë planet për ndërtimin e kullave, në pritje të lehtësive fiskale, që duan t?i fitojnë padrejtësisht.
Është ky nderi i radhës që Rama përmes mashtrimeve dhe spekullimeve po u bën miqve të tij, me të cilët po ndan gjithçka, duke filluar nga tenderat e deri te koncesionet antikombëtare.”, – thuhet në postimin e ZGJIDHJA.

Më tej thuhet se Rama me këtë veprim po deformon dhe shkatërron barazinë e konkurrencës së operatorëve në treg.

“ZGJIDHJA denoncon këtë abuzim me statusit special në fjalë i cili, në thelbin e vet dhe veç të tjerash, deformon dhe shkatërron edhe lirinë dhe barazinë e konkurencës së operatorëve në treg.
ZGJIDHJA është thellësisht kundër kësaj padrejtësie që po u bëhet të gjithë qytetarëve shqiptarë. Ata po privohen nga të mirat e taksave që duhet të paguheshin nga oligarkët e Ramës dhe Veliajt që vetëm po shtojnë milionat në kurriz të shqiptarëve.
#ZgjidhjaPërLirinë”, – përmbyll denoncimin e vet, ZGJIDHJA. /CityNews





Lajmet e fundit nga