web counter
LEXO PA REKLAMA!

SHKARKO APP

App Store
Google Play

E fundit!

x

“Do të doja të isha në vendin e tij”/ 18-vjeçari pendohet për vrasjen e shokut

13 Dhjetor 2017, 15:29, Aktualitet CNA

Gjykata Themelore e Prishtinës ka caktuar 30 ditë paraburgim për 18-vjeçarin me inicialet L.P, i cili akuzohet nga organi i akuzës për vrasjen e shokut të tij, me inicialet SH.P. vjec 17. Ngjarja mësohet të ketë ndodhur të shtunën në mbrëmje në Prishtinë.

Në seancën e sotme gjyqësore 18-vjeçari ka shprehur pendesë dhe i ka kërkuar falje familjes së të ndjerit, ndërsa shtoi se nëse do të mund të kthente kohën pas do të dëshironte të ishte në pozitën e tij.

?Shtoj se i kërkoj falje familjes së tani të ndjerit dhe theksoj se po të mund ta kthej kohën do të kisha dëshiruar të jem në pozitën e tij?, u shpreh 18-vjeçari.

Ai ka treguar për miqësinë e afërt që kishte me të ndjerin deri para ditës që ndodhi vrasja.

?Unë të ndjerin e njoh prej mbrëmjes dhe prej atëherë kemi qenë shokë. Gjithherë kemi pasë raporte të mira mes nesh ndërsa një ditë para rastit unë kam fjetur tek ai dhe gjithherë kemi qëndruar bashkë?,- u shpreh ai.

Sipas 18-vjeçarit, ngjarja ka filluar në një lokal në Prishtinë, ndërsa më pas kanë filluar të grinden ndërmjet tyre.

Pas seancës, gjyqtarja ka thënë se ?Rreth orës 18:30 minuta, për shkak të mosmarrëveshjeje të çastit, teksa ishin duke ndenjur së bashku në një lokal në lagjen Dardania, janë grindur me fjalë dhe më pas kanë dalë jashtë lokalit dhe e kanë sulmuar njëri tjetrin fizikisht me grushte; pastaj i ndjeri ka shkuar te daja i tij në rrugën Gustav Mayer, dhe pas disa çasteve, pasi i pandehuri e kishte ditur se ku gjendej, ka shkuar dhe e ka thirrur të dalë dhe posa ka dalë, i pandehuri e ka goditur me thikë e godet dy herë në zonën e gjoksit?,- thuhet në vendimin e Gjykatës.

17-vjeçari vdiq në QKUK si pasojë e plagëve të marra me thikë. /CityNews





Lajmet e fundit nga