web counter
LEXO PA REKLAMA!

SHKARKO APP

App Store
Google Play

E fundit!

x

Sonila Meço: Shteti i së drejtës shqiptarit të thjeshtë i ha kokën

13 Dhjetor 2017, 17:06, Aktualitet CNA

Aktualitetin politik dhe zgjedhjen e Prokurorit të Përgjithshëm të përkohshëm e ka komentuar dhe gazetarja Sonila Meço.

Në një postim në rrjetet sociale, Meço është shprehur se sot ndodhemi në kaos politik dhe ngërç në drejtësi sepse Kushtetuta është e miratuar me nxitim dhe jo e mirëmenduar dhe se vetë reforma në drejtësi ka nisur në shkelje të saj.

?Dhe ja ku ndodhemi sot, me një kushtetutë miratuar me nxitim, nën presion politik të brendshëm e ambasadorësh, me përplasje dispozitash kalimtare, me nisjen e një reforme në drejtësi në shkelje të kushtetutës, duke mos respektuar frymën e gërmën e saj në zgjedhjen e prokurorit të përgjithshëm, me gjykata jashtë funksioni të paplotësuara në numër anëtarësh, me misione ndërkombëtare që ndërhyjnë edhe në territorin kushtetues, me ambasadorë që kanë humbur çdo kredibilitet, por që shtojnë kredite personale me zgjidhje artificiale krizash?.

Më tej Meço është shprehur se nga kjo amulli e krijuar politika di t?ia dalë, por ata që e pësojnë vërtetë janë shqiptarët e thjeshtë.

?Politika ia del edhe me këtë zallamahi të shtetit të së drejtës, ama shqiptarit të thjeshtë kjo i ha kokën, i merr shpirtin. Ndërsa për krimin është shpëtim, për pushtetin garanci triumfi pa kontroll, për ndërkombëtarët një togfjalësh I harruar prej realpolitikës që po ngjall fantazmat e Churchill dhe Stalinit, duke ndarë kufijtë e Europës Lindore, më shumë se 70 vjet më parë?

Stabiliteti i shtetit do të kthehet vetëm nëse i biem në kokë vetë epiqendrës, është shprehur gazetarja.

?Ndaj krimi, pushteti e ndërkombëtarët, përballohen vetëm duke i rënë në kokë epiqendrës. Në Shqipëri nuk fitohet stabilitet pa shtetin e së drejtës, nuk mund të konsiderohet pushteti aktual si alternativa e vetme. Kjo kartë duhet t?i digjet në dorë kryeministrit?.

Në përfundim Sonila Meço është shprehur se nëse zgjedhjet e 25 qershorit janë vjedhur, atëherë Kuvendi i sotëm nuk ka arsye përse të eksiztojë.

?Dhe për këtë, rrugët nisin nga gjeneza e problemit, Kuvendi që doli nga zgjedhjet e 25 qershorit. Nëse zgjedhjet janë vjedhur nga krimi i lidhur me pushtet e ndërkombëtarë, atëherë Kuvendi i sotëm nuk ka arsye të ekzistojë. Kush e ka në dorë të dëshmojë këtë si bezdinë e vërtetë për Brukselin, janë ata që ende presin kryeministrin t?i vërë në lojë me kërkesa për pakte kombëtare. Kush nënshkruan, duhet të presë ?zhdukjen? në humbëtirë, duke marrë me vete edhe shqiptarët?. /CityNews

 





Lajmet e fundit nga