E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

PD braktiset nga partitë simotra/ Basha i rrethuar nga skandalet

12 Dhjetor 2017, 15:44, Aktualitet CNA

I braktisur jo vetëm nga militantët dhe garda e vjetër e PD-së, por edhe nga partitë simotra evropiane, Lulzim Basha ka festuar dje, në Pallatin e Kongreseve 27 vjetorin e themelimit të Partisë Demokratike.

Aktiviteti i organizuar me të ftuar, sipas ftesave që ishin shpërndarë nga selia blu u mbajt një ditë përpara datës zyrtare të themelimit të PD-së.

Por, partitë europiane, me ndërgjegjje duket se kishin zgjedhur ta bojkotonin këtë aktivitet, pasi edhe një ditë më pas, nuk pati asnjë mezash urimi prej tyre.

Kjo heshtje dhe indiferencë, ndryshe përkthehet si një mesazh i qartë për liderin e PD-së, Lulzim Basha, për mënyrën e drejtimit të kësaj partie.

Gjithashtu, kjo tregon se sa e ka rrënuar Partinë Demokratike, Lulzim Basha, saqë edhe miqtë dhe aleatët e Partisë Demokratike, të cilët nuk kanë munguar as në përvjetorin e vitit të mbrapshtë të 1997-ës, e lanë të vetme në 27 vjetorin e themelimit të saj.

Në fakt Europa, prej ditësh ka lëshuar alarmin nëpërmjet mediave të saj, se Lulzim Basha po bëhet pengesë për integrimin e Shqipërisë në BE.

Kush do të dilte në krah të një personi që akuzohet se ka pastruar para në kompanitë ofshore dhe që ka për mik njeriun që tentoi të rrëmbente Fethullah Gulenin në SHBA?

Gazetari Martin Banks i EuReporter, pak ditë më parë ka shkruar se fushata negative e Lulzim Bashës mund të komplikojë bisedimet e Edi Ramës me zyrtarët e lartë të BE-së.

?Që nga fillimi i këtij viti, udhëheqësi i Partisë Demokratike të qendrës së djathtë Lulzim Basha ka pretenduar se Rama dhe partia e tij janë nën gishtin e tregtarëve shqiptarë të drogës. Dy javë më parë, kur kryeministri shqiptar u shkroi letra personale të 28 liderëve të qeverive të BE-së, duke i lutur për ndihmën e tyre në kapjen e bosëve të krimit të Shqipërisë, Basha përsëriti pretendimet e tij në një intervistë për Newswek. Megjithëse deri më tani nuk ka dhënë dëshmi për pretendimet e tij, ato duket se janë pjesë e një teme të fushatës afatgjatë të zhvilluar në mars kur vizitoi Uashingtonin për të nënshkruar kontrata me një grup lobistësh amerikanë?, shkruan EuReporter .

Gazetari Martin Banks, më tej tregon se Basha është nën hetim në Shqipëri , për kontratat lobuese.

?Prokurori i Përgjithshëm i Shqipërisë me 30 nëntor tha se prokurorët e rrethit të Tiranës kishin hapur zyrtarisht një hetim mbi llogaritë e Partisë Demokratike rreth asaj se sa kishte shpenzuar në kompanitë lobuese të SHBA. Sipas raporteve të BIRN, lobistët, të lidhur të gjithë me partinë republikane amerikane, u ofruan kontrata me vlerë afërsisht 1 milion dollarë, shumica e të cilave u kaluan përmes entiteteve në det të hapur dhe nuk u regjistruan si shpenzime partiake sipas ligjit zgjedhor të Shqipërisë, shkruan më tej Banks.

Ky i fundit, ndër të tjera përmend faktin se takimi mes Bashës dhe presidentit Donald Trump e ka mundësuar biznesmeni turk, Kamil Ekim Alptekin, apo siç njihet ndryshe, njeriu që do të rrëmbente Gylenin./CityNews