web counter
LEXO PA REKLAMA!

SHKARKO APP

App Store
Google Play

E fundit!

x

Situata e Mjedisit/ Inspektorët në testim për profesionializmin e tyre

12 Dhjetor 2017, 13:20, Aktualitet CNA

?Faktet jashtë kësaj salle janë ulëritëse, faktet jashtë kësaj salle janë penalizuese për gjithësecilin nga ne, duke filluar që nga unë i pari si ministër e deri tek inspektori më i fundit në çdo cep të Shqipërisë. Vetëm historia me ndotësit e mëdhenj, me guroret, me minierat, me pikat e përpunimit ushqimor, me pikat e përpunimit të mbetjeve, me pikat e përpunimit dhe grumbullimit të mbetjeve spitalore, shtretërit e lumenjve, ndotësit në përgjithësi janë akuzë e drejtpërdrejtë për gjithësecilin në këtë salle?- kështu iu drejtua ministri i Turizmit dhe i Mjedisit, Z. Blendi Klosi inspektorëve të Inspektoriatit Shtetëror të Mjedisit dhe Pyjeve gjatë takimit për lançimin e sistemit të lejeve mjedisore  dhe inspektimit të tyre online.

Në takim ishin të pranishëm edhe kryeinspektori i përgjithshëm z. Shkëlqim Hajdari dhe kryeinspektori i ISHMP-së z. Plarent Ndreca të cilët theksuan mangësinë e trashëguar në raportimin e inspektime të kryera si dhe mungesën e rapotimeve transparente.

? Kompiuterat që keni përpara janë momenti i parë për të kuptuar qartë, ndershmërisht në mënyrë  transparente se janë pikat ku qytetari do të gjykojë për punën që bëjmë. Menaxhimi i inspektimit online do të bëjë që gjithsecili nga ju, të lërë gjurmë në raportin me qytetarin dhe të jenë patolerueshme rastet kur shkoni te biznesi dhe gjeni shkelje, largoheni pasi keni pasur një raport të dyshimtë me biznesin.?- tha me tone të ashpra ministri Klosi i cili shtoi se në datën 16 dhjetor inspektorët  do të jenë nën një testim të dyfishtë dhe të vazhdueshëm me bazë profesionalizmit të tyre në punë për të hequr njëherë e mirë korrupsionin apo abuzimet në këtë institucion.

Ministri Klosi theksoi se ka ardhur koha që puna e inspektorëve të jetë në ruajtje të Mjedisit. ?Nëse leja mjedisore nuk është zbatuar ne duhet të jemi radikalë, ne duhet të jemi  të pathyeshëm karshi zbatimit të atyre çfarë vetë kemi rënë dakord për të zbatuar në kuadër të lejes mjedisore? ? duke shtuar se inspektorët nuk kanë marrë masat e duhura për të gjithë ndotësit e Mjedisit duke mos reflektuar me një zgjidhje përfundimtare të rasteve të konstatuara në terren.

Ministri  Klosi paralajmëroi një reformë të madhe në sistemin e dhëniës se lejeve mjedisore e gjithashtu në kontrollin që inspektorët duhet të bëjnë në bazë të kritereve më sakta që duhet të ndjekin . ?Ajo që kemi përpara është një det i madh me detyra, një mal i madh me probleme, ajo që kemi përpara është një horizont i pafund me një moral tjetër që duhet të ketë ky inspektoriat dhe unë kam bindjen që ky moment i parë mund të na shërbejë realisht për të filluar reflektimin në këtë proces. Nuk mund të shoqërohet vetëm me reflektimin tuaj, padyshim i gjithë sistemi i dhënies së lejeve mjedisore duhet të reformohet, padyshim edhe lejet mjedisore duhet të jenë online, të jenë më të specifikuara në kriteret e kontrollueshme dhe kontrolli juaj të jetë më i strukturuar dhe të kuptoni çfarë kontrollohet dhe të jetë më transparent karshi publikut. Reforma shumë e madhe që Ministria do të ndërmarrë ka të bëjë me rikonceptimin e lejeve mjedisore si një projekt i cili është jo vetëm në hapësirë, jo vetëm i strukturuar shumë më mirë përsa i përket kooordinateve por pa dyshim edhe shumë më tepër real në kërkesat që paraqet dhe mënyrën sesi realizohen ato?- përfundoi fjalën ministri Klosi duke u kujtuar të gjithë inspektorëve se detyra e tyre për ruajtjen e Mjedisit i shkon jetës së çdo qytetari./ CityNews





Lajmet e fundit nga