E fundit!

11:44 Aktualitet

Prej 5 orësh pa drita/ Disa zona në Tiranë mbeten pa energji në mes të temperaturave ekstreme

Një defekt i rëndë në rrjetin elektrik ka shkaktuar ndërpr...

Kryeprokurori i përkohshëm dhe marrëveshja me Ramën/ Patozi: Basha mes dy zjarreve. Ja ç'duhet të bëjë

12 Dhjetor 2017, 18:03, Aktualitet CNA

Ish-nënkryetari i Partisë Demokratike, i ftuar në emisionin “45 minuta” të gazetarit Denis Minga, ka komentuar marrëveshjen Rama-Basha, dhe mundësinë për një marrëveshje të re mes dy aktorëve kryesorë të politikës në vend.

Patozi u shpreh se nuk është kundër marrëveshjeve me kundërshtarin, pasi ato në kohë të ndryshme janë të nevojshme, por shtoi se marrëveshja duhet të jetë e drejtë. Sipas tij ndonëse e ka nxitur një marrëveshje mes Bashës dhe Ramës, marrëveshja që u bë ishte e gabuar.

Teksa iu përgjigj pyetjes nëse është e mundur një marrëveshje e re mes Bashës dhe kryeministrit Rama, Patozi u shpreh se kryedemokrati gjendet në pozicion të vështirë, pasi sido që të jetë, Rama do të dalë fitues.

“Nuk di të them. Por qeveria është në avantazh në këtë proces për shkak të prononcimit të partnerëtve për një zgjedhje të shpejtë të një prokurori të përkohshëm. Basha ka qenë i detyruar që të mbajë këtë qëndrim. Oferta që i bën Rama është një lloj loje Win-Win, që Basha edhe po shkoi edhe po nuk shkoi ky është keq, pasi ky është fituesi. Po shkoi do ta zgjedhë me Ramën dhe do të komprometohet para popullit opozitar, po të mos shkojë, ai e zgjidh vetëm, pasi ka numrat dhe mbështetjen e arbitrit. Basha po e kundërshton si zgjidhje. Debati është për procedurën. Problemi real nuk është procedura, por emri. PD po përpiqet që ta delegjitimojë prokurorin e përgjithshëm për të nesërmen, pasi nuk e shmang dot zgjedhjen e tij. Basha tha njëherë që Xhafaj do të kalojë mbi trupat tanë, dhe ai kaloi jo njëherë por dy herë. Basha është i detyruar që të mbajë këtë qëndrim për ta delegjitimuar për nesër, që ta konsiderojë politik dhe ta tremb që të mos marrë hapa të rëndë kundër opozitës dhe ka sens politik. Problemi është që si do e shihja unë. Po të isha në vendin e Bashës, do përpiqesha që ky prokuror të i ishte sa më i përkohshëm.”, – tha Patozi.

Më tej teksa iu kërkua një këshillë për liderin demokrat, Patozi u shpreh:

“Unë Bashën nuk kam nevojë ta këshilloj, ai mjafton të marrë tezat e mia për një kohë të gjatë që nga 2014. Unë kam qenë për një reformë të plotë kushtetuese, që ne e kemi nevojë jetike për të rregulluar sistemin dhe e kam kërkuar një rithemelim të republikës dhe kjo do të ishte qasja reale që një opozitë duhet të kishte me qeverinë dhe vendin. Këtë e kam mbrojtur edhe kur erdhën ambasadorët. U kam thënë që ju mirë bëni, por është e pamjaftueshme, pasi duhet më shumë se kaq, duhet të ishte një reformë zgjedhore e përfshirë, pra një kushtetutë e re. Kjo më ka dhënë të drejtë, pasi reforma në drejtësi nuk është ajo që ne prisnim. Ka ecur me ritmin e breshkës dhe produkti nuk është ai që ne përftyronim dhe publiku priste. Edhe ngërçi me prokurorin unë nuk besoj se është i qëllimshëm, pasi të gjitha vonesat që erdhën te reforma në drejtësi sollën këtë. Unë mendoj që duhet që fillimisht të reformojmë sistemin politik. Janë gabimet e politikës që kanë sjellë sot gjendjen e mjeruar të politikës shqiptare.” /CityNews