web counter
LEXO PA REKLAMA!

SHKARKO APP

App Store
Google Play

Berisha: Ka ardhur koha që Basha të marrë parasysh propozimet e kritikëve

12 Dhjetor 2017, 19:58, Aktualitet CNA

Ish-kryeministri, Sali Berisha, gjatë një interviste në televizionin ABC News, foli në lidhje me situatën aktuale brenda Partisë Demokratike, ndërsa u ndal tek propozimet dhe platformat e prezantuara nga kritikët e Bashës në PD.

Berisha tha se ka ardhur koha që të gjitha propozimet të merren parasysh, si platformat ashtu edhe propozimet e anëtarëve të thjeshtë nëpër analizat e zhvilluar në çdo rreth.

“Ka ardhur koha që të merren në konsideratë, si propozimet e Patozit dhe zotërinjve të tjerë, si propozimet e zonjës Harxhi dhe zonjave dhe zotërinjve të tjerë, ashtu edhe propozimet e anëtarëve të thjeshtë të bëra në analizë”, – u shpreh Berisha.

Më tej ai shtoi, se ndryshimet statutore duhet të kenë qëllim fitoren e Partisë demokratike, e jo largimin e kryetarit, pasi kjo nuk do të sillte asnjë të mirë.

“Kurrë nuk mund të bëhet një statut me qëllim kryesor largimin e kryetarit të partisë. Duhet të ketë qëllim kryesor fitoren e partisë, por kurrë nuk duhet të ketë si qëllim largimin e kryetarit të partisë. Kjo sepse pastaj çdo 4 vite grupe të ndryshme karrieriste, do të punonin në këtë drejtim.”, – tha Berisha, ndërsa shtoi se, “Duhet punuar që të mos ketë më shkelje të statutit, dhe të ketë vendime që sanksionojnë të gjitha pasojat për shkeljet e statutit.” /CityNews





Lajmet e fundit nga