web counter
LEXO PA REKLAMA!

SHKARKO APP

App Store
Google Play

Reforma në drejtësi/ Gjyqtarët tentojnë të nxjerrin jashtë vendit paratë e korrupsionit

10 Dhjetor 2017, 09:56, Aktualitet CNA

Në tentativë për ti shpëtuar reformës në drejtësi, mësohet se gjyqtarët dhe prokurorët po tentojnë të nxjerrin jashtë vendit paratë e korrupsionit.

Gazeta ?Sot? shkruan se ?Teksa një vit më parë shumë pak ishin ata që besonin se vetingu do të japë rezultate, ora ka nisur të trokasë për të korruptuarit dhe për këtë arsye shumë emra po tentojnë të gjejnë mënyra të ndryshme për të fshehur pasurinë.?

ILDKP ka dorëzuar në Komisionin e Kualifikimit të dhënat e pasurisë për 68 emrat prioritarë, ndërkohë që po punohet intensivisht dhe për emrat e tjerë. Në bazë dhe të ligjit në këtë mision është angazhuar edhe Drejtoria e Përgjithshme e Parandalimit të Pastrimit të Parave.

Sipas kësaj gazete, shumë gjyqtarë dhe prokurorë kanë bërë transferta të dyshimta jashtë vendit, në emër të familjarëve të tyre, si dhe në banka kanë llogari shumë të dyshimta, disa në emër të të afërmve dhe jo në emër të tyre.

Deri më sot janë identifikuar dhjetëra transaksione dhe llogari të dyshimta për të cilat DPPPP ka vënë në dijeni ILDKP dhe ka hartuar raportet përkatëse.

Nga ana tjetër, mësohet se përveç bankave në survejim janë vënë dhe kompanitë e transfertave bankare dhe hipotekat, pasi dyshohet se dhe ato janë përdorur për të fshehur pasurinë./ CityNews





Lajmet e fundit nga