web counter
LEXO PA REKLAMA!

SHKARKO APP

App Store
Google Play

E fundit!

x

Kapet në kufi me 13.5 kg drogë/ Në pranga 36-vjeçari 

10 Dhjetor 2017, 08:52, Aktualitet CNA

13.5 kilogramë lëndë narkotike, e dyshuar kanabis sativa janë kapur nga policia në pikën kufitare  ?Tre Urat në Përmet.

Uniformat blu gjithashtu bëjnë të ditur se është bërë i mundur edhe arrestimi i poseduesit të drogës, J. Haska, 36 vjeç.

Njoftimi i policisë:

Më datë 09.12.2017, në kuadër të planit të masave për parandalimin dhe goditjen e trafikut të lëndëve narkotike, në Pikën Kufitare Tre Urat, Përmet, shërbimet e Policisë Kufitare në bashkëpunim me shërbimet doganore kanë evidentuar dhe goditur një rast të tentativës për trafik të lëndëve narkotike.

Në dalje të Republikës së Shqipërisë është paraqitur shtetasi J. H. me automjetin e tij.

Pas përfundimit të procedurave të kontrollit të dokumentacionit, punonjësit e Policisë Kufitare, e kanë kaluar automjetin në vijën e dytë për një kontroll më të imtësishëm.

Gjatë kontrollit të ushtruar në vijën e dytë, në një vend të përshtatur në shasinë e mjetit u gjet lëndë e dyshuar narkotike kanabis sativa.

Pesha totale e lëndës rezultoi 13.5 kg, e cila u sekuestrua në cilësinë e provës materiale.

Materialet procedurale i kaluan Prokurorisë së Rrethit Gjyqësor Përmet për veprën penale ?Trafikimi i narkotikëve?, parashikuar nga neni 283/a i Kodit Penal./ CityNews





Lajmet e fundit nga