E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Kryebashkiakja e Bashës përçan PD-në

10 Dhjetor 2017, 09:43, Aktualitet CNA

Mbledhja e qeverisë në Shkodër, ku janë marrë një sërë vendimesh të rëndësishme, ka sjellë përplasje të forta brenda Partisë Demokratike.

Dega e PD në këtë qytet është irrituar me kryetaren e bashkisë, Voltana Ademi, e cila ka marrë pjesë në aktivitetet e qeverisë.

?Kryebashkiakja e Shkodrës, Voltana Ademi u shfaq krah kryeministrit Edi Rama, ku së bashku kanë inspektuar rrugën Shkodër-Velipojë, ndërkohë që po dje, ajo ishte e pranishme në mbledhjen e Këshillit Kombëtar të Territorit.?- shkruan gazeta ?Sot?.

Ndërkohë që nga ana tjetër, gjatë qëndrimit të kryeministri Rama në Shkodër, pati edhe protesta nga të rinjtë e Partisë Demokratike, FRPD. Demokratët, të cilët kanë protestuar me pankarta në duar ?Qeveri e drogës? ?Qeveri e krimit? ?Qeveri e plehrave?.

Mësohet se gjatë protestës kanë ndërhyrë forcat e policisë duke shtyrë protestuesit për të liruar rrugën kryesore. Ndërsa Rama kur zbriti nga makina ngriti dy gishtat lart duke i përshëndetur. Të rinjtë kanë protestuar përpara kinemasë ku u zhvillua mbledhja e KKT që drejtohet nga Rama.

Por ajo që ra në sy, ka të bëjmë me faktin se kur të rinjtë e FRPD-së protestoni, në krah të kryeministrit ishte kryebashkiakja Ademi.

Ç?ka tregon qartë se demokratët e Shkodrës kanë dalë hapur kundër pjesëmarrjes së Ademit në aktivitetet e Ramës. Nga ana tjetër, dega e PD ka dalë me dy deklarata dje dhe pardje, duke sulmuar qeverinë. Po ashtu ky rebelimi i demokratëve në këtë qytet, tregon se tanimë Partia Demokratike e Shkodrës është e ndarë në dy kampe, ku nga njëra anë janë mbështetësit e Ademit, ndërsa nga njëra ana mbështetësit e kreut të PD të këtij qytetit.

Megjithatë rasti i Shkodrës nuk është i fundit por edhe i izoluar, pasi kohët e fundit të tjerë kryetar bashkish që vijnë nga radhët e PD-së, janë shfaqur krah kryeministrit Edi Rama. Konkretisht para disa kohësh gjatë një takimi të organizuar nga Rama, ishte i pranishëm kryetari i bashkisë së Lezhës, Fran Frrokaj. Ndërsa rreth një javë më parë, kohë kur u përmbyt jugu i Shqipërisë, në krah të kryeministrit Edi Rama u shfaq kryetari i bashkisë së Selenicës, Përparim Shametaj./ CityNews