Nisje zhgënjyese e Reformës në Drejtësi

8 Dhjetor 2017, 18:22, Aktualitet CNA

Ndërkohë që sytë dhe veshët e shqiptarëve në mezipritje janë drejtuar tek implementimi i Reformës në Drejtësi, sinjalet e para të ardhura dje kanë qenë zhgënjyese. Kjo për faktin se midis kontigjentit të gjyqtarëve e prokurorëve të zgjedhur për të qenë pjesë e anëtarësisë së Këshillit të Emërimeve në Drejtësi (KED), janë të përfshirë edhe anëtarë që nuk meritojnë qënien pjesë e sistemit të Drejtësisë së re.

Midis 12 anëtarëve të zgjedhur me ?short? si anëtarë dhe zëvendësues të KED, 4 prej tyre janë hapur problematik për të të ngjallur besimin se e ardhmja e sistemit shqiptar të drejtësisë të zhytur në pellgun e padrejtësisë e korrupsionit do të jetë e shumëpritëshmja.

Rovena Gashi është një anëtare e zgjedhur ?me short? për të qenë pjesë e KED-it, e që nuk ngjall besim. Kandidatura e saj ka ardhur si e vetme nga Prokuroria e Përgjithëshme, ku ajo militon. Edhe Gashit Ambasada amerikane në Tiranë i?a ka refuzuar dhënien e vizës për të vizituar Amerikën.

Gashi njihet si një prej bashkëpunëtoreve të afërta të kryeprokurorit dështak dhe tërësisht të politizuar Adriatik Llalla. Sipas deklaratës së Llallës, raporton ?Pamfleti.com?, Rovena Gashi ishte thirrur në takim nga ambasada amerikane në Tiranë, një ditë para se të hidhej shorti për zgjedhjen e anëtarëve të KED, e i është komunikuar edhe revokimi i vizës për në SHBA.

Reagimi i Rovena Gashit ka qënë i ashpër ndaj ambasadorit Donald Lu. Përmes një letre të gjatë dërguar krerëve të shtetit ajo ka vlerësuar se Lu mbron deputetët e inkriminuar.

Artan Broci, anëtar i KLD-së, është një tjetër i zgjedhur si anëtar i KED-it që nuk ngjall kurfarë besimi, pasi është i lakuar jo vetëm për refuzimin e vizës nga Ambasada amerikane në Shqipëri, por edhe për pasurinë e tij jo të zakontë për një gjyqtar me pagë modeste.

Shkëlzen Selimi, gjyqtari që liroi nga burgimi i përjetshëm Lulzim Berishën, mbylli Gërdecin, vrasjet e 21 janarit dhe dosjen e ish guvernatorit Fullani, që mbante brenda vjedhjen më të madhe në historinë e Bankës Shqiptare etj., është një tjetër anëtar i strukturës së re të Këshillit të Emërimeve në Drejtësi.

I lakuar si posedues i një pasurie që ngre dyshime për burimin edhe Selimi, megjithse është zgjedhur me ?short?, sjell dëshpërim dhe jo optimizëm për të ardhmen e sistemit të drejtësisë së reformuar. Madje jo vetëm tek qytetarët por edhe tek përfaqësuesit e subjekteve politike që e kanë etiketuar shortin e hedhur në kryesinë e Kuvendit si ?Skandal?.

??Është në kundërshtim me Kushtetutën, në kundërshtim me parimet e reformës në drejtësi, në kundërshtim me kriteret që parashikon ligji!
Do të duhej të zgjidheshin më të mirët mes më të mirëve, por duke mos respektuar kriteret që parashikon ligji, në mes të zgjedhurve, ka edhe nga ata që janë shembëlltyrë e korrupsionit, e injorancës dhe e paaftësisë! Reforma në Drejtësi e kompromentuar!?, ka vlerësuar zvendëskryetari i LSI-së,Luan Rama dje, vetëm pak orë pas përfundimit të procedurës zgjedhëse./ CityNews