web counter
LEXO PA REKLAMA!

SHKARKO APP

App Store
Google Play

E fundit!

x

Rama publikon vendimet e marra në mbledhjen e qeverisë në Shkodër

8 Dhjetor 2017, 16:56, Aktualitet CNA

Kryeministri i vendit Edi Rama, në një konferencë të paralajmëruar për shtyp nga muzeu Marubi në Shkodër, ka publikuar disa nga vendimet e marra në mbledhjen e qeverisë të mbajtur në këto ambiente.

Në fjalën e tij Rama u shpreh se prej vendimeve të marra, më të rëndësishmet janë Shpallja e qendrës historike të Thethit dhe zonës përreth, çka do të sjellë zhvillimin e turizmit dhe mbrojtjen e vlerave historike dhe kulturore të zonës.

Po ashtu në këtë mbledhje është vendosur për dhënien e 84 bursave për shkollën e mesme profesionale “Peter Maringer”, për të dalluarit e shkollës si dhe për nxënësit me probleme ekonomike.

Ai tha se Shkodra nuk do të ndalet me kaq pasi do të ketë rritje të ndjeshme të investimeve publike në Shkodër, siç ndodhi edhe me programin e Rilindjes Urbane në Shkodër.

Rama paralajmëroi se nesër do të bëhet prezantimi publik i Shkodrës turistike dhe prezantimi i planit për zhvillimin e qëndrueshëm të alpeve, plan ky i hartuar nga ekspertë vendas dhe të huaj, për të zhvilluar turizmin dhe ekonominë në vend.

Më tej ai u shpreh se ditën e nesërme qeveria do të qëndrojë gjatë të gjithë ditës në Shkodër, ku do të marrë kontakte me grupet e interesit, administratën publike dhe dëgjimin e problemeve dhe opinioneve të qytetarëve shkodranë. /CityNews





Lajmet e fundit nga