web counter
LEXO PA REKLAMA!

SHKARKO APP

App Store
Google Play

Floida Kërpaçi: Duhet të ndryshojmë realitetin, qeveria nuk e ka prioritet rininë

8 Dhjetor 2017, 15:54, Aktualitet CNA

Me rastin e 8 Dhjetorit, Ditës Kombëtare të Rinisë, Lëvizja Rinore për Integrim ka zhvilluar aktivitete në të gjithë vendin.
Kryetarja e Lëvizjes Rinore për Integrim, Floida Kërpaçi, në një deklaratë për mediat, u ka bërë thirrje gjithë të rinjëve që të bëhen bashkë për të forcuar institucionet shtetërore të vendit dhe mbi të gjitha për të rritur ekonominë. Në fjalën e saj Kërpaçi shtoi se, një ekonomi më e zhvilluar krijon mundësi për një punësim të mirëpaguar dhe po ashtu vende të reja pune.

?8 Dhjetori 2017 na gjen në të gjithë Shqipërinë, në një ditë që na bën bashkë për të ngritur zërin për problemet e të rinjtë. Në fakt më 8 dhjetor 1990 të rinjtë u ngritën bashkë dhe sollën demokracinë, sot më 18 dhjetor 2017 të rinjtë duhet të bëhen bashkë për ta bërë demokracinë dhe vendin tonë më për njerëzit, për të punuar për njerëzit, për të forcuar institucionet shtetërore të vendit dhe mbi të gjitha për të rritur ekonominë. Sigurisht që një ekonomi më e zhvilluar krijon mundësi për një punësim më të mirëpaguar, krijon mundësi për vende të reja pune. Fatkeqësisht realiteti sot është që mbi 90% e të rinjve po e kërkojnë të ardhmen e tyre larg Shqipërisë dhe kjo për një arsye të vetme sepse nuk kanë shpresë në vendin e tyre. Ky është një realitet shumë i dhimbshëm, është një realitet që e bën gjithsecilin prej nesh të ndihet keq. Mbi të gjitha kjo situatë alarmante na bën që të ngrihemi të gjithë bashkë, të jemi sot këtu në shesh, të themi problemet tona, të jemi zëri i të rinjve dhe të punojmë për t?i zgjidhur këto probleme?,- tha Kërpaçi.

Në përmbyllje të fjalës së saj kryetarja e LRI-së u përqendrua te buxheti i cili është zero për rininë, pasi sipas saj qeveria Rama është një qeveri e cila po bëhet armikja e rinisë çdo ditë e më shumë. Ndër të tjera ajo shtoi se, si popull ne kemi shumë probleme, shqetësime prandaj qeveria kurrsesi nuk duhet të qëndroj indiferente. /CityNews





Lajmet e fundit nga