web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet/ Evakuohen 27 familje në Berat

1 Dhjetor 2017, 16:24, Aktualitet CNA

Ministri i Turizmit dhe Mjedisit, Blendi Klosi ka inspektuar nga afër situatën e krijuar nga reshjet në qarkun e Beratit.

Pasi zhvilloi një takim me shtabin e emergjencës civile në këtë qark, prefektin dhe kryetarët e bashkive, Klosi bëri me dije se të gjitha strukturat janë të angazhuara maksimalisht 24 orë në 24 për të përballuar situatën.

?Kemi evakuuar 27 familje në qarkun e Beratit. 600 punonjës të AKM, AKZM dhe ISHMP në terren prej ditës së djeshme. Po monitorojmë situatën në ujësjellën e Çorovodës?, ka thënë Blendi Klosi.

Fjala e plotë:

Në radhë të parë jemi përpjekur që gjatë gjithë ditës të sensibilizojmë të gjithë banorët dhe të shohim problematikat që kemi. Kemi bërë evakuimin e 27 banorëve në një lagje të vështirë dhe po ashtu në Bashkinë e  Urës Vajgurore ku është edhe zona më problematike për momentin kemi përqendruar të gjitha forcat dhe mjetet për pastruar  kanalet dhe po ashtu për të bërë të mundur që të përballojmë prurjet që sic i shikoni nuk janë tërësisht normale. Nëse prurjet do të vazhdojnë me këtë ritëm gjendja do të përkeqësohet. Ne vazhdojmë të bëjmë thirrje edhe në këtë moment që të gjithë qytetarët, bizneset e zonës, të kenë parasysh që në radhë të parë të shpëtojnë jetën e njerëzve, pastaj  pronat e pasuritë?

Jemi 24 orë në ndjekje të situatës, problematika për momentin mbahet nën kontroll. Problematikë tjetër që kemi është në zonën e Skraparit ku burimi i ujit është i rrezikuar dhe kemi kërkuar ndërhyrje në atë zonë për të shpëtuar burimin e ujit për qytetin e Corovodës.

Për momentin po punojmë për evidentimin e të gjithë qytetit që mund të preket nga një dalje e mundshme nga rrjedha historike dhe po ashtu me njoftimin e zonave të populluara në mënyrë të parregullt  në fakt do të doja ta thoja këtë buzë lumit ndërkohë që zona e Uznovës është më fushore dhe problematika është më e theksuar. Përsa i përket ditës në vazhdim ne do t?ju mbajmë të informuar dhe do të donim t?I bënim thirrje qytetarëve, bizneseve që të përgatiten edhe për një moment edhe më kritik se ky. Por do të doja të thoja se investimet e realizuara në shtratin e lumit, hapja e urës së Gorricës ka bërë që qyteti të mos përmbytet dhe po ashtu investimi më i madh që është bërë në skarpatet e lumit te Ura Vajgurore ka dhënë efektet e saj të padisktueshme. Një zonë e cila prej 20 vitesh përmbytej sa herë që binte shi sot është një zonë e mbrojtur dhe prandaj ne vazhdojmë t?i bëjmë thirrje dhe kemi shpërndarë të gjithë inspektorët e mjedisit në të gjithë Shqipërinë dhe stafin e zonave të mbrojtura për të parë problematikat me detaje në të gjithë vendin dhe për t?ju informuar.

Përsa i përket qarkut të Beratit, edhe prefektura edhe organet e rendit janë 24 orë në 24 në shërbim të qytetarëve. Kryetarët e bashkive janë duke u përpjekur që të kemi një bashkëpunim edhe me TAP që po punon në zonë me mjetet e saj dhe do të donim të vazhdonim që të hapnim sa më shumë kanale për të siguruar një rrjedhje të lirshme të lumit.

Nga biseda që patëm me kryetarin e bashkisë është një situatë që po menaxhohet dhe po monitorohet, le të shpresojmë që të mos ketë prurje më të mëdha uji të cilat do të dëmtonin më shumë dhe do ta rrezikonin. Përsa i përket ujësjellësit të Beratit mund të themi se ka një lloj turbullire për momentin e cila është normale për momentin, sistemi është i mbrojtur.

Për Skraparin vazhdojmë të jemi të vëmendshëm për të nxjerrë të gjitha problematikat. Ajo që kemi thënë kaq shpesh kur është koha e thatë po del tani që është koha e njomë shkatërrimi i burimeve natyrore, shkatërrimi në mënyrë skandaloze nga guroret e qytetit sidomos në zonën e Bogovës rrezikon shumë përsa i pëket vazhdimësisë. Vazhdojmë në këtë ditë të vështirë t?u qëndrojmë pranë njerëzve dhe t?u bëjmë thirrje që të jenë shumë të vëmendshëm dhe të ndjekin cdo njoftim që del nga shtabi i emergjencave civile të ngritura në zyrën e prefektit. /CityNews





Lajmet e fundit nga