web counter
LEXO PA REKLAMA!

SHKARKO APP

App Store
Google Play

VIDEO/ Pse përmbytet autostrada?

1 Dhjetor 2017, 15:26, Aktualitet CNA

Autostrada Tiranë-Durrës është mbuluar nga uji si pasojë e reshjeve të dendura gjatë ditës së sotme. Kjo është hera e dytë që ky aks rrugor gjendet në të tillë situatë, ndërkohë që kjo nuk ka ndodhur më herët.

Lind pyetja se çfarë po ndodh, dhe përse ndodhemi në këtë situatë sa herë që shirat kanë të intensitetit të lartë?

Kjo gjendje paraqitet e tillë që pas ndërhyrjes së qeverisë në fillim të qershorit 2014. Në qershor nisi realizimi i projektit të gjelbërimit për aksin Tiranë-Kashar-Rinas. Ky projekt u financua nga Ministria e Mjedisit dhe kishte vlerën 60 milionë lekë të reja. Punimet përfunduan në dhjetor 2014, projekt i cili solli mbjelljen përgjatë të gjithë këtij aksi palma zbukuruese. Kjo gjë u bë pas ndërhyrjes në dy kanalet kulluese anësore, të cilat ndonëse pretendohej se po pastrohen, u zvogëluan, për shkak se duhej më shumë vend për palmat dhe zbukurimet që dëshironte qeveria.

Pas këtyre ndërhyrjeve ekspertët e sigurisë rrugore kundërshtuan qeverinë si për trafik ndarëset të cilat u vendosën më të ulëta sesa duhej, ashtu edhe për palmat, për shkak se në rast aksidentesh, ato do të rrezikonin qytetarët. Si të mos mjaftonin këto, organet përgjegjëse ndërhynë në kanalet kulluese në dy anët e autostradës, ndërhyrje e cila prishi tubacionet ekzistuese për të vënë ato të rejat. Kjo ndërhyrje ka sjellë këtë situatë në të cilën ndodhemi. Si kurrë më parë autostrada Tiranë-Durrës ndodhet për herë të dytë nën ujë.

Hera e parë ishte rreth një vit më parë, për më saktë më 8 nëntor 2016 dhe sot më 30 nëntor 2017 dhe do të vazhdojë të jetë kështu për sa kohë nuk do të merret seriozisht nga organet kompetente. /CityNews





Lajmet e fundit nga