web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja e kufirit me Malin e Zi/ Haradinaj e çon në Kuvend

1 Dhjetor 2017, 16:21, Aktualitet CNA

Qeveria e Kosovës ka vendosur dërgimin në parlament të marrëveshjes për kufirin me Malin e Zi, marrëveshje kjo që mban peng heqjen e vizave për shtetasit e Kosovës. Kjo është bërë e ditur nga kryeministri i Kosovës Ramush Haradinaj, i cili shprehet se ka përfunduar puna rreth raportit që pritet të diskutohet në qeveri në fillim të javës së ardhshme në qeveri.

?Pritjet janë që bashkë me raportin e Komisionit, Qeveria ta procedojë edhe projektligjin për ratifikimin e Marrëveshjes për shënimin e kufirit në parlament, në mënyrë që ky institucion të marrë vendim, nëse do ta ratifikojë apo anulojë këtë marrëveshje. Gjetjet e raportit, pra ia dërgojmë parlamentit. Sa na përket neve si qeveri, pas njohjes së materialit, nuk na mbetet shumë punë apo punë tjetër, pos ta procedojmë në parlament?, – tha kryeministri Haradinaj, raporton rel.

Komisioni i vlerësimit të kësaj marrëveshje u ngrit me kërkesë të kryeministrit të Kosovës Ramush Haradinaj, i cili vijon të jetë një nga kritikët më në zë të kësaj marrëveshjeje. Kjo marrëveshje është ratifikuar nga Mali i Zi por jo nga Shqipëria.

Marrëveshja ndërkaq nuk është ratifikuar nga Kosova për shkak të mospajtimeve që çuan edhe në skena të dhunshme në parlament dhe jashtë tij. Kundërshtarët e marrëveshjes pohojnë se Kosova humb mbi 8 mijë hektarë tokë. /CityNews





Lajmet e fundit nga