web counter
LEXO PA REKLAMA!

SHKARKO APP

App Store
Google Play

E fundit!

x

Sulm me bombë në një xhami/ 155 të vdekur

24 Nëntor 2017, 13:55, Aktualitet CNA

Një sulm me bombë dhe armë ka ndodhur në një xhami në provincën Sinai në veri të Egjiptit.

Si pasojë e këtij sulmi janë vrarë 155 persona, kanë lajmëruar agjencitë shtetërore të lajmeve.

Dëshmitarët thanë për mediat egjiptiane se ngjarja ndodhi në qytetin Bir al-Abed, gjatë lutjeve të së premtes.

Policia lokale tha se disa persona nga katër automjete hapën zjarr ndaj adhuruesve, njofton Associated Press. Egjipti po lufton me një kryengritje islamike në rajon, e cila është intensifikuar që nga viti 2013.

Përveç të vdekurve, rreth 80 vetë të tjerë u plagosën gjithashtu në sulmin vdekjeprurës, thanë zyrtarët e shëndetësisë.

Presidenti Abdul Fattah al-Sisi do të takohet me zyrtarë të sigurisë për të diskutuar incidentin, njoftoi televizioni Ekstra Neës i Egjiptis.

Nuk dihet ende se kush ishte pas sulmit të së premtes. Militantët xhihadisë kanë bërë një kryengritje vitet e fundit, duke kryer sulme pasi ushtria e Egjiptit përmbysi presidentin islamik Mohammed Morsi në korrik të vitit 2013.

Qindra policë, ushtarë dhe civilë janë vrarë që atëherë, kryesisht në sulme të kryera nga grupi i Provincës Sinai, i cili është i lidhur me të ashtuquajturin Shteti Islamik (IS)./ CityNews





Lajmet e fundit nga