web counter
LEXO PA REKLAMA!

SHKARKO APP

App Store
Google Play

E fundit!

x

Nata "po humbet", ndriçimi është rritur ndjeshëm duke sjellë pasoja negative për njerëzimin

24 Nëntor 2017, 13:46, Aktualitet CNA

Kur planeti Tokë fotografohej natën para dy viteve ndriçimi ishte më i dobët, ndërsa sot një studim i ri tregon se dritat artificiale natën po bëhen më të forta dhe Toka është më e ndriçuar.

Nga viti 2012 e deri në vitin 2016 ndriçimi jo natyral i planetit është rritur me 2%, jo pak sepse po flasim për mbarë globin.

Kjo quhet ?humbje e natës? dhe sipas shkencëtarëve ka pasur ndikim të madh në florën dhe faunën e Tokës, por kjo ka sjellë një ndryshim negativ edhe në mirëqenien njerëzore.

Studimi i publikuar në “Science Advances” dhe ekspertët e kësaj fushe kanë studiuar të dhënat e mbledhura nga radiometri satelitor i Agjencisë Hapësinore Amerikane.

Pajisja e specializuar për të matur shkëlqimin e natës ka treguar se ky ndriçim ka pësuar luhatje të ndjeshme. Vendet më të ndriçuara, Spanja dhe SHBA nuk kanë lëvizur shumë, por pjesa më e madhe e Amerikës së Jugut, Azisë dhe Afrikës janë ndriçuar më shumë se sa pritej.

Vendet e luftës si Jemeni dhe Siria kanë pësuar rënie në këtë pikë.

Pamjet satelitore të natës, me bregdet me ngjyra të ndezura dhe rrjetet e qytetit që duken si rrjeta merimangash, ngjajnë mjaft bukur, por ndriçimi i tyre artificial rezulton me pasoja të padëshiruara për shëndetin e njeriut dhe mjedisin.

Një fakt tjetër që vjen nga këto pamje është se rritet ?Melatonina?, hormon i gjumit që është i ndjeshëm ndaj ngjyrës blu./CityNews





Lajmet e fundit nga