web counter
LEXO PA REKLAMA!

SHKARKO APP

App Store
Google Play

E fundit!

x

Rekrutime korruptive në Universitetin e Elbasanit

24 Nëntor 2017, 12:32, Aktualitet CNA

Rektori Topi mbush fakultetet me pedagogë mediokër

Nga  Robert RRASA

Universitetit të Elbasanit veç faktit  dhe njollës së zezë që e ka prej vitesh,  se akuzohet dhe denoncohet për afera korruptive, për korrupsionin e pedagogëve dhe stafit të rektoratit, duket se ardhja e Rektorit të ri Skender Topi, po i shton të tjera njolla të zeza. Rektori ka nisur prej muajit të parë të ardhjes së tij në detyrën ?e re? të merret me rekrutime të padagogëve të rinj, duke mos zbatuar as kriteret, as rregulloret e  institucionit, e duke i mbushur fakultetet me miq, farefis, servilë, të paaftë e mediokërr. Veç problemeve që ka sot sistemi arsimor në qytetin e Elbasanit, ku korrupsioni bëhet hapur duket se sekserët janë ata që nuk ndalen kur  nisin dhe vazhdojnë  ?gjuetinë?  tek Universiteti.

Në këtë Universitet duket se petagog mund të bëhesh ose me mikun e madh, ose me para- u shpreh për ?City News.al? nje punonjes i Rektoratit. Madje duke mos zbatuar edhe kriteret e vendosura nga Ministria e Arsimit, pra duke pranuar petagogë me mesataren 6.5 apo edhe më keq akoma. Sot në Universitetin e Elbasanit që mban emrin e të madhit ?Aleksander Xhuvani? mund të bëhesh petagog edhe me mesataren 5 apo edhe 6.5, pavarsisht se ka plot që presin pas dyerve me një CV të mbushur me vleresime të shkëlqyera dhe specializime jashtë dhe brënda vendit.

Këta të fundit kanë mbetur (ose jo)  petagogë të jashtëm për shumë vite dhe nuk kanë shansin të bëhen definitivë, apo edhe më keq duke i zëvëndësuar ata me studentë që në 4 vjet i kanë marrë  provimet me 200 euro, krejt mediokër për tu bërë padagog, duke kryer kështu hapur dy shkelje të ligjit dhe përdhosje të kritereve të vendosura nga MAS, të mesatares dhe CV së kandidatit të paraqitur, si dhe duke u hapur shtegun hamendësive për korrupsion. Në Universitetin e Elbasanit ka dhjetra  petagogë që janë rekrutuar (pasi kanë mbaruar  shkolla të larta me nota mizerabël) të pajisur me libreza  skandaloze notash, ku më e larta mbetet 6 ose 7, e megjithatë ata sot janë apo reklamohen si ?prurje e re? .

Skandalet në Universitetin ?Aleksander Xhuvani? në Elbasan u bënë më evidente (pavarsisht se njihen mirë nga dekanët dhe rektori aktual ) kur janë  arrestuar vjet dhe parvjet,  në flagrancë petagogë të  disa fakulteteve. Atë ç?ka  një media vizive ka shpalosur disa muaj më parë me skandalin e provimeve, ndoshta nuk është asgjë para skandalit të pranimit të petagogëve  në Universitetin  e Elbasanit.

Madje  interesimit  tonë dikush tek korpusi qëndror i Universitetit të Elbasanit ju përgjigj se ?a doni të punësoni ndonjë petagog, a keni nevojë për ndonjë diplomë dhe studenti të mos paraqitet fare për 4 vjet këtu, jemi gati hajde bëjmë pazarin?. Evidentimi i skandaleve të tilla  me studentë dhe petagogë mediokër duhet të jenë objekti i punës i Ministrisë së Arsimit dhe veçanarisht i kreut të saj Lindita Nikolla.

Me dhimbje deklarojmë se sistemi arsimor po merr një goditje fatale, ku shkaktarë mbeten drejtuesit në Universitete, sekserët e punësuar me honorare nga këta të fundit. Ky është realiteti dhe këtë nuk mund ta mohojë asnjeri. Sepse nuk e mohojnë vilat dhe benzat luksozë të deklanëve dhe petagogëve, (apo edhe pushimet jashtë shtetit deri në SHARM EL SHEIK të  tyre me para të pista ) në qytetin e mbushur me të papunë  dhe fukarallëk të Elbasanit./ CityNews

 





Lajmet e fundit nga