FAO dhe MBZHR drejtojnë punën në identifikimin e prioriteteve kombëtare për Objektivat e Axhendës 2030

24 Nëntor 2017, 12:29, Aktualitet CNA

Në kuadër të angazhimeve që Shqipëria ka ndërmarrë si shtet anëtar i Kombeve të Bashkuara për përmbushjen e Axhendës 2030 për zhvillim global dhe punës për zbatimin e këtyre anagzhimeve, FAO në bashkëpunim me Ministrinë e Bujqësisë dhe Zhvillimit Rural mbajtën një takim me temë ?Ndërgjegjësimi i aktorëve për arritjen e Objektivave të Zhvillimit të Qëndrueshëm për Ushqimin dhe Bujqësinë?. Në takim morën pjesë përfaqësues nga Organizata e Kombeve të Bashkuara, Organizata për Ushqim dhe Bujqësi (FAO), sektori privat, shoqëria civile dhe bota akademike.

Në Shqipëri, Zyra e Kryeministrit po udhëheq përpjekjet për të zbatuar Objektivat e Zhvillimit të Qëndrueshëm dhe koordinon punën e ministrive të linjës. Përveç kësaj, zyra kombëtare e statistikave, INSTAT, ka vlerësuar të dhënat e disponueshme si dhe nevojën për mbledhjen e të dhënave shtesë që do të kërkohen për matjen e progresit.

Ministria e Bujqësisë dhe Zhvillimit Rural (MBZHR) pritet të marrë rol drejtues në identifikimin e prioriteteve kombëtare për Objektivat 2, 14 dhe 15 të Axhendës2030. FAO po e mbështet këtë proces përmes projektit “Mbështetje për MBZHR në zbatimin dhe monitorimin e Objektivave të Zhvillimit të Qëndrueshëm? duke përfshirë rritjen e ndërgjegjësimit dhe kapaciteteve për zbatimin dhe monitorimin e tyre.

Në fjalën e tij në këtë takim, Zëvendës Ministri i Bujqësisë dhe Zhvillimit Rural Z. Ilir Halilaj, shprehu angazhimin e Ministrisë për të punuar në arritjen e Objektivave të Zhvillimit të Qëndrueshëm. Ai theksoi se përvec përmirësimit të cilësisë, vëmendje e vecantë do t?i kushtohet sigurimit të prodhimit të mjaftueshëm për tregun e brendshëm si dhe shtimin e eksporteve.

Në fjalën e tij, Z. Arben Kipi, Asistent Përfaqësues i FAO-s në Shqipëri tha: ?Axhenda e integrimit europian përfshin jo vetëm një angazhim për fushën e mjedisit dhe bujqësisë por dhe përbën një oportunitet për përshpejtimin e punës në përkthimin e Objektivave të Zhvillimit të Qëndrueshëm nga objektiva globalë në objektiva të Shqipërisë.?

Brian Williams, Koordinator i Përhershëm i Kombeve të Bashkuara në Shqipëri u shpreh: ?Objektivat e Zhvillimit të Qëndrueshëm janë një vizion për zhvillimin e një shoqërie të shëndetshme dhe të qëndrueshme, me mundësi të larmishme për të gjithë. Kjo axhendë zhvillimi duhet të ndiqet edhe pas integrimit europian. Ajo përfshin angazhimet që rrjedhin nga Marrëveshja e Parisit për veprimet globale në adresimin e ndryshimeve klimatike (COP23). Bujqësia përbën një element shumë të rëndësishëm në të.?

Komisioni Statistikor i OKB ka përgatitur treguesit globalë për të matur zhvillimin. Ky komision përbëhet nga zyrat statistikore kombëtare të vendeve anëtare. Meqenëse konteksti i çdo vendi është i ndryshëm, të gjitha shteteve u kërkohet që të përshtasin Objektivat me gjendjen e tyre, duke përfshirë zhvillimin e treguesve kombëtarë. Kjo shpesh quhet “nacionalizim” ose i Objektivave në nivel vendi. Përveç kësaj, shtetet firmëtare janë zotuar të raportojnë për progresin si në nivel global ashtu edhe në atë kombëtar.

FAO dhe Organizata të tjera të Kombeve të Bashkuara do të mbështesin Ministrinë e Bujqësisë dhe Zhvillimit Rural OKB për të krijuar shërbime dhe mekanizmat nxitës për rritjen e investimeve në zonat rurale në kuadër të Objektivave të Zhvillimit të Qëndrueshëm./ CityNews