web counter
LEXO PA REKLAMA!

SHKARKO APP

App Store
Google Play

E fundit!

x

Hesht, kushëriri sekser i gjyqtarit Shkëlqim Miri

21 Nëntor 2017, 13:18, Aktualitet CNA

Në Gjykatën e Krimeve të Rënda, gjatë  seancës për masën e sigurisë të gjyqtarit Shkëlqim Miri, është marrë në pyetje edhe kushëriri i gjyqtarit, Kujtim Miri.

Ky i fundit, i cili dyshohet të ketë bërë  sekserin, ka pranuar të japë informacion për Prokurorinë e Krimeve të Rënda, por pa thënë ndonjë gjë që mund t?i shërbejë Prokurorisë.

?Nuk jam mirë nga gjendja shëndetësore. Shpjegimet do t?i jap në një moment të dytë,? ka thënë ai.

Në të njëjtën seancë, gjyqtari Shkëlqim Miri  ka apeluar kërkesën ?Arrest me burg?, duke kërkuar masë të lehtë për shkak të shëndetit.

Pak ditë më parë Gjykata për Krimet e Rënda caktoi masën e sigurisë ?arrest me burg? për gjyqtarin Miri.

Prokuroria e Përgjithshme po hetonte gjykatësin Shkëlqim Mirin prej gati një viti, me dyshimet se ishte korruptuar nga Gentian Doda në këmbim të lirisë. Hetuesit dyshonin se ky i fundit ka paguar një shumë lekësh për gjykatësin që ndryshoi kualifikimin e vrasjes së Gazmir Dedjas në Burrel, në vitin 1997, nga vrasje, në plagosje e rëndë me dashje.

Gjatë kontrollit në banesë, me vendim të Gjykatës së Shkallës së Parë për Krimet e Rënda, të kryer nga strukturat e Hetimit të Korrupsinit në Policinë e Shtetit, u gjetën dhe u sekuestruan në cilësinë e provës materiale 174,810 euro; 10,149,000 lekë dhe 1,000 dollarë.

 





Lajmet e fundit nga