E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Rama gjen shpëtimin për Lulin/ “Kritikë” të porositur për ndryshime në statut

21 Nëntor 2017, 11:02, Aktualitet CNA

Mediat kanë raportuar dje se një grup ?kritikësh? të Lulzim Bashës kishin çuar disa propozime për ndryshime statutore dhe një strukturë të re funksionimi të PD-së.

Së pari nuk kishte asnjë çudi fakti se lajmi më parë kaloi nga Top Channel, por më shumë sesa një teori konspirative që kritikët e shpikur mund të jenë instrumenta të Edi Ramës për të ndihmuar Lulzim Bashën, problemi qëndron tek mënyra sesi trajtohen situata aktuale apo problematikat që po kalon Partia Demokratike.

Disa ish-zyrtarë të niveleve më të larta, persona të dyshuar dhe me çështje në prokurori, pa asnjë firmë dhe mbështetje konkrete nga ata që mund të quhen zërat kritik të Lulzim Bashës, dje kanë shpallur propozimet e tyre për ndryshimet në statut.

Nuk ka asgjë të keqe nëse kjo do të ishte një lëvizje politike e vërtetë, por kur vjen si shpëtim nga Edi Rama për Lulzim Bashën, rikonfirmohet edhe një herë se marrëveshja e 18 majit vazhdon.

Lehtësisht Lulzim Basha ka gjetur dy apo tre komardare pa peshë të vërtetë politike, të cilët gjendjen kritike dhe katastrofën elektorale të PD, kërkojnë t?ja faturojnë statutit.

A thua se pazarin Basha-Rama e bëri statute?

A thua se listat korruptive të Bashës i përgatiti statutit?

A thua se vjedhjen e votave në PD e bëri statuti?

Në fakt statuti i ka mjaft qartë të tre problematikat që çuan në humbjen e PD, dhe problem nuk është ai, por problemi qëndron te kreu i kësaj partie Lulzim Basha dhe shkelja e statutit prej tij.

Pra, askush nuk jep garanci që nëse ndryshohet statuti, Basha nuk do e shkeli.

Të çosh problemin tek statuti i PD-së për katastrofën e shkaktuar nga Lulzim Basha është njësoj si të gjesh fajtor Kushtetutën e Shqipërisë për krimin dhe kanabizimin e vendit nga Edi Rama.

Skenari dhe Sali Berisha, si gënjeshtër

?Kritikët? që kërkojnë shpëtim te statuti janë gjetja e Edi Ramës, rekomanduar si shpëtim për Lulin dhe pazari i këtij të fundit me disa personazhe pa peshë politike në PD, nga ata ecejakët dhe mendjellinjtë që me një veprim të tyre, duke u keqpërdorur nga një pazar i pistë I Bashës, sponsorizuar nga Edi Rama, kërkojnë ta zhytin edhe më tej në shkatërrim Partinë Demokratike.

Ajo që bie në sy pas publikimit të materialit me porosi të zyrës së shtypit të kryeministrit, në Top Channel, është fakti se ?kritikët? e gjetur si shpëtim për Lulin kanë gjetur si strategji për opinionin brenda PD-së emrin e ish-kryeministrit Sali Berisha.

Publikohet një statut, dhe më pas nëpër tavolina deklarohet se është konsultuar me Berishën dhe është ai mbështetësi.

Shkohet deri aty sa thuhet se pasi të njihet Basha, do të jete Berisha që do të dalë publikisht dhe do të mbështesë platformën e ndryshimeve statutore, të propozuar nga të sponsorizuarit e Ramës si shpëtim për Lulzim Bashën pas problematikave që ky i fundit po has në Partinë Demokratike.

Zgjidhja duket lehtësisht e kutpueshme, vëmendja çohet tek statuti dhe Lulzimi shpëton. Qëndron në krye të PD-së edhe pse ajo forcë politike mund të shkojë 15 apo 20%, mjafton që Luli të jetë kryetar dhe disa servilëve të tij me mandate deputeti ti shtohen edhe ?kritiket? e sponsorizuar të Ramës, të gjetur në zyrat e kunatit si shpëtim për Lulzim Bashën, në zbatim të marrëveshjes së 18 majit.

Rama nuk harroi ta kujtonte Lulzim Bashën në seancën e fundit plenare, kur i tha se tek ai do shkonte për të shpëtuar, dhe gjithçka ndodhi pa u mbushur java./ CityNews