web counter
LEXO PA REKLAMA!

SHKARKO APP

App Store
Google Play

Vitin e ardhshëm, përfundon rruga e re Elbasan - Tiranë

21 Nëntor 2017, 10:05, Aktualitet CNA

Ministri i Infrastrukturës dhe Energjisë, Damian Gjiknuri, ndërsa ka prezantuar buxhetin për vitin 2018 në Komisionin e Ekonomisë, ka garantuar  se vitin e ardhshëm do të përfundojë rruga e re Elbasan ? Tiranë.

Më tej Gjiknuri deklaroi, se do të përfundojnë të gjitha projektet e nisura, duke përfshirë edhe rrugën e Kombit, që sipas tij ende nuk është përfunduar.

?Synimi i qeverisë është të mbyllë ato punë të hapura, por njëkohësisht të hap  rrugë të reja që janë pjesë e networkut kryesor kombëtar dhe që kanë ndikim rajonal.

Me këtë dua të them që investimet do të përqëdrohen në kompletimin e tjetër të unazës duke bërë lidhjen e rrugës së re të Elbasan-Tiranë që do të përfundojë vitin tjetër, me pjesën e autostradës Tiranë-Durrës në mënyrë që të kemi një trafik shumë më të pranueshëm. Të eliminojmë atë konçesion që krijohet në pjesën e mbetur të unazës dhe mos kemi më probleme?, ka deklaruar ministri.

Gjiknuri e ka informuar Komisionin e Ekonomisë edhe për projekte të tjera që kanë lidhje me infrastrukturën rrugore.

?Duam të hapim edhe projektin e ri që ka të bëjë me by passin e Tepelenës, kjo është pjesë e rrjtetit kombëtar sepse përfundimisht përmirëson dhe kompleton aksin nga Levani deri në Kakavijë dhe pjesën tjetër që vazhdon deri në Sarandë. Do të vazhdojmë lotin e dytë të rrugës Korçë-Ersekë, i cili është një lot i rëndësishëm dhe që përfundimisht e lidh bashkinë në fjalë me rrjetin modern rrugor. Do të përfundojnë të gjitha ato projekte të nisura përfshirë edhe rrugën e Kombit e cila duhet thënë se është një rrugë që akoma nuk ka përfunduar?, është shprehur Gjiknuri.





Lajmet e fundit nga