web counter
LEXO PA REKLAMA!

SHKARKO APP

App Store
Google Play

E fundit!

x

Task-Forcë/ Ja mënyra si do të goditen grupet kriminale

18 Nëntor 2017, 15:21, Aktualitet CNA

Task-Forca e ngritur nga Ministria e Brendshme mësohet se ka filluar punën për arrestimin e grupeve kriminale si dhe sekuestrimin e pasurive të tyre.

Vetë ministri i Brendshëm Fatmir Xhafaj ka paralajmëruar se Task-Forca ka nisur të krijojë një Data Base për grupet kriminale.

Burime nga Ministria e Brendshme thanë për ‘Report Tv’ se kjo Data Base përfshin aktivitetin e grupeve kriminale, pasuritë e tyre dhe lidhjet që kanë me persona të tjerë. Informacioni për grupet kriminale do të mblidhet në terren nga Policia dhe më pas do i përcillet Task-Forcës.

Gjithashtu është mësuar se do të identifikohen të gjitha pasuritë që këto grupe kriminale dyshohet se i kanë në emrat e të afërmve apo miqve të tyre. Pas krijimit të Data Base do të ketë mjaftueshëm të dhëna për grupet kriminale, që operacioni ?Forca e Ligjit? të veprojë duke i arrestuar e duke sekuestruar pasuritë e krijuara nga trafiku i drogës, apo vepra të tjera kriminale.

Të  njëjtat burime për ‘Report Tv’ sqarojnë se Policia dhe strukturat e tjera kanë informacionet për aktivitetet kriminale që kryehen në çdo qytet  por krijimi I Data Base do të bëjë të mundur që të kuptohen të gjitha lidhjet e grupeve kriminale me personat e tjerë, apo me grupe kriminale jashtë vendit.

Kujtojmë këtu se Operacioni ?Forca e Ligjit? ka arrestuar një grup kriminal në Fier, ndërkohë që brenda disa ditëve priten të tjera arrestime në Vlorë, por edhe në qytete të tjerë.

Edhe në takimin e ditës së djeshme me drejtuesit e Policisë në Elbasan, ministri Xhafaj kërkoi që të vijojë lufta kundër grupeve kriminale.

Për të inkurajuar Uniformat Blu, Xhafaj ka nisur takime në drejtoritë vendore, kur përveçse paralajmëroi largimin e policëve të lidhur me krimin, ka vënë theksin tek asetet e grupeve kriminale. /CityNews





Lajmet e fundit nga