E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Koncesioni i kontrollit shëndetësor, akti më korruptiv/ Rama 4 milionë euro dhuratë për Vilma Nushin

18 Nëntor 2017, 12:40, Aktualitet CNA

Në një konferencë për shtyp mesditën e sotme, deputetja e PD, Albana vokshi akuzoi qeverinë për koncesionin e kontrollit shëndetësor.

Vokshi u shpreh se ?Koncesioni i kontrollit shëndetësor për të cilën Rama krenohet më shumë, është faktuar si koncesioni më korruptiv dhe më i dështuar, ose si prova se çfarë shteti po ndërton Rama.?

Sipas deputetes Vokshi, Check-up është më i dështuar se vetëm 26% e shqiptarëve që e përfitojnë atë.

?1.7 mln euro në 2015, 2.3 mln euro në 2016, 4 mln euro për një shërbim të padhënë është provë se Check-up nuk është falas si thotë Rama, por është kthyer në një shërbim shumë herë më të shtrenjtë.

Sipas kontratës kjo do të paguhet 7 mln euro dhe sikur chek-up-in ta kryejë një njeri i vetëm,? tha deputetja Vokshi.

Deklarata e plotë:

Konçesioni i kontrollit shëndetësor checkup, për të cilin Edi Rama krenohet më shumë, është faktuar me shifra zyrtare si konçesioni më korruptiv dhe më i dështuar ose si prova se çfarë shteti ai po ndërton.

Check up është më i dështuari, sepse vetëm 26 përqind e shqiptarë?ve që e përfitojnë, e kanë kryer këtë shërbim pavarësisht kushtëzimit të ndihmës ekonomike dhe vizitat e të sëmurëve kronikë.

Check up është më korruptivi, sepse vetëm për dy vitet e para të konçesionit të check up-it, pa përfshirë 2017-ën, klientja e Edi Ramës, Vilma Nushi, ka marrë nga buxheti i shtetit rreth 4 milionë euro për rreth 250 mijë analiza të pabëra asnjëherë. 1,7 milionë euro në 2015-ën dhe 2.3 milionë euro në 2016-ën, siç tregohet edhe në tabelën e Fondit të Kujdesit Shëndetësor.

4 milionë euro për një shërbim të padhënë, është provë se check-up jo vetëm nuk është falas, siç thotë Edi Rama, por me këtë konçesion, kontrolli shëndetësor është kthyer në një shërbim disa herë më i shtrenjtë.

Ky përfitim marramendës është parashikuar në kontratën e Edi Ramës me klienten e tij Vilma Nushi, e cila do të vazhdojë të paguhet 7 milionë euro në vit, edhe sikur check up-in ta kryejë një shqiptar i vetëm. Kjo është arsyeja pse Edi Rama prej dy vjetësh refuzon ta bëjë publike këtë kontratë zhvatëse për shqiptarët, si dhe çdo kontratë tjetër konçesionare në shëndetësi.

4 milionë euro që fiton klientja e Edi Ramës, pa bërë asnjë shërbim, do të mjaftonin për të mbuluar nevojat për kurimin e të gjithë pacientëve të onkologjikut, për të cilët sot mungojnë barnat. 4 milionë euro do të mjaftonin për të rritur pagat e për shpërblimet për të gjithë punonjësit e sistemit shëndetësor.

Vilma Nushi nuk është e vetmja që përfiton para publike. Për konçesionet në shëndetësi, buxheti i vitit 2018 parashikon 40 milionë euro për 4 miq të Edi Ramës dhe familjes së tij. 40 milionë euro që do të mbulonin nevojat me pajisje dhe barna për të gjithë spitalet e Shqipërisë.

Nëse vettingu do të ketë sukses, Prokuroria e Posaçme Antikorrupsion duhet ta nisë zbatimin e reformës në drejtësi me aferat korruptive në shëndetësi. Kallëzimi Penal nga Partia Demokratike është aty prej më shumë se një viti. / CityNews