E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Zbulohen faktet sesi Luli i gënjente ndërkombëtarët

17 Nëntor 2017, 11:46, Aktualitet CNA

Që Lulzim Basha gënjen, por gënjen shumë, ky nuk është lajm. Këtë tashmë e dinë të gjithë. Ai nuk është gënjeshtar thjeshtë dhe vetëm sepse është politikan, por e ka ves, e ka pasion, gënjen dhe për orën.

Që gënjen bashkëpunëtorët këtë e dinë të gjithë, që ka gënjyer demokratët këtë e dinë të gjithë, që është mashtrues këtë e dinë të gjithë.

Por që të mashtrojë edhe ndërkombëtarët duke kujtuar se po bënte një lojë me ta, Lulzim Basha tregon se është një politikan infantil, i paaftë dhe mediokër.

Më poshte le të sjellim disa detaje dhe fakte konkrete.

Në emisionin ?Të paekspozuarit? të Ylli Rakipit, ish-ministrja e Integrimit, Majlinda Bregu tregoi disa detaje për faktin sesi Lulzim Basha gënjente ambasadorët, i vendosi ata në rolin e ping pongut, sa në zyrën e tij në zyrën e Berishës apo në grupin parlamentar të PD-së.

Bregu tha se ?ka patur një moment, kur ambasadori Lu takonte Bashën, dhe Basha i kërkonte ndihmë. Topalli dhe Berisha nuk donin që ONM të shkruhej në kushtetutë, pra Basha i kërkonte ndihmë LU-së që të bindte njerzit në PD.?

Në atë kohë në një mbledhje të grupit parlamentar, Basha ju tha deputetëve, duke ju drejtuar Topallit, se PD nuk do ta votonte OMN në Kushtetutë.

Në fakt ishte Lulzim Basha që e kishte kërkuar një gjë të tillë. Eduard Halimi dhe Oerd Bylykbashi e kishin propozuar në komision vendosjen e OMN në Kushtetutë, si garanci që nuk mund të kapej nga Edi Rama.

Luli nga njëra anë në grup thoshte se nuk votonte OMN, ndërkombëtarëve ju thoshte se e donte në Kushtetutë dhe e propozonte vetë.

Kulmin loja e Bashës me ndërkombëtarët e kapi kur ata shkonin nga zyra e Bashës te e Berishës, që ambasadori Lu shkonte te Berisha, ikte te Basha, ikte Lu shkonte Basha, se nuk arrinin të besonin atë që thoshte kreu i PD. Kjo sepse Basha ju thoshte se ishte Berisha që e pengonte reformën dhe Vettingun, ndërkohë që vetë shprehej se do ta votonte pa asnjë kusht. Nga ana tjetër në mbledhjen e grupit të PD-së, deputetëve ju thoshte se nuk do e votonte reformën pa u pranuar kushtet e PD-së, shkonte te ndërkombëtaret dhe thoshte se problemi ishte Berisha dhe jo ai. Prandaj ambasadorët u kthyen në një ?taksi? sa në një zyrë në tjetrën, të çuditur nga gënjeshtrat pa ndalim të Lulzim Bashës.

Majlinda Bregu dje tha se ?Nuk kishin qartësi dhe nuk ishin të sigurt se cfarë po ndodhte dhe se si transmetohej mesazhi i tyre nga kryetari i PD, tek anëtarët e PD. Pra kemi të bëjmë me rritjen e nivelit të pabesueshmërise. A e dini se cfarë ka ndodhur me reformën në drejtesi? Po ti kthehesh, i mbani mend shpeshtimin e kontakteve.?

Pabesueshmëria kapi kulmin kur ambasadorët u detyruan të shkonin në grupin e PD-së dhe të jepnin sqarime pas gënjeshtrave të njëpasnjëshme të Lulzim Bashës.

Ka edhe një moment të dytë, të turpshëm të Lulzim Bashës me ndërkombëtarët, dhe ajo lidhet me kohën kur ai qëndrontë në çadër.

Aleatët e PD-së dhe partnerët ndërkombëtarë i thoshin me zë të plotë se ai duhej të hynte në zgjedhje dhe se nuk kishte asnjë zgjidhje tjetër, por Basha sapo kthehej nga takimet me ta shkonte në çadër dhe thoshte të kundërtën ?kam mbështetjen e partnerëve ndërkombëtarë për çadrën dhe tensionet që po shkaktonte në vend?

Ishte ndërhyrja e kreut të EPP, Joseph Daul, i cili për tu kuptuar dhe për të përçuar drejtpërdrejt mesazhet te deputetët e PD-së u detyrua të bëntë një akt të paprecedentë, një video konferencë me grupin e PD-së, e cila në fakt nxori zbuluar gjithë gënjeshtrat e Lulzim Bashës.

Por qëndrimet e kreut të PD-së, lojërat dhe gënjeshtrat me ndërkombëtarët tashmë janë bërë të dala mode, Lulzim Bashën nuk e beson më askush. Kjo është dhe arsyeja e vërtetë pse ambasadorët kanë një rol kaq aktiv në Shqipëri.

Palët janë mosbesueset e njëra-tjetrës. Kush gënjen më shumë e kush më pak, ironia është se politika shqiptare është në garë edhe për të mashtruar ndërkombëtarët, e nëse ka kampion, Luli është fituesi./ CityNews